Bosh sahifa -> Hindistonlik farmatsevtlar Аndijonda

Hindistonlik farmatsevtlar Аndijonda

133 Yangiliklar

2018-yil  21-fevral kuni Andijon davlat tibbiyot institutiga Hindiston davlati farmatsevtlaridan iborat delegatsiya tashrif buyurdi. Delegatsiya tarkibidagi Hindiston  kimyo sanoati va mineral o‘g‘itlar davlat  vaziri Manshukh Mandaliya, kimyo va mineral o‘g‘itlar davlat  vazirligining Farmatsevtika bo‘limi boshlig‘i Subhash  Pant, Kimyo  va mineral o‘g‘itlar  sanoati vazirining o‘rinbosari    Rajbir Singh Panwar,  “Parmexsil” farmatsevtika eksportini rivojlantirish kengashining Bosh direktori Ravi Udaya Bhaska, IDMA  Gudjarat  davlat  kengashi  raisi Hindiston   dori  ishlab chiqaruvchilar  uyushmasi  prezidenti  vakili  sifatida  Viranchi  Arvindhai Shah   hamda   Mittal  Praveen  Kumarlarni  ADTI rektori M.Madazimov, ilmiy ishlar bo‘yicha prorektori, professor G‘.Xodjimatov, xalqaro aloqalar bo‘limi mas’uli K. Salohiddinov, viloyat sog‘liqni saqlash boshqarmasi boshlig‘i A.Mamadaliev, professor-o‘qituvchilar  va talabalar samimiy kutib oldilar.

 

Mehmonlar  avvalo, xalqaro  aloqalar  bo‘limida bu borada olib borilayotgan  ishlar  yuzasidan  o‘zaro   muzokaralar  olib bordilar.

Bo‘limda institut rektori M.Madazimov va xalqaro aloqalar bo‘limi mas’uli K.Salohiddinovlar institut faoliyati, ilmiy-uslubiy, innovatsion izlanishlar, Prezidentimiz tomonidan chiqarilgan Qaror va Farmonlar ijrosini ta’minlash, xususan, “Farmatsevtika  tarmog‘ini jadal rivojlantirish bo‘yicha qo‘shimcha chora-tadbirlar to‘g‘risida”gi Qarori to‘g‘risida fikr-mulohazalarini bildirdilar. Shuningdek, muzokaralar chog‘ida hindistonlik delegatsiya a’zolari  Hindiston milliy farmatsevtika ilmiy-tekshirish instituti  bilan  talabalar va professor-o‘qituvchilar almashinuvi borasida hamkorlik, farmakompaniyalar salohiyati, imkoniyat va eksport-import  munosabatlari xususida  fikr almashildi.

 

Delegatsiya vakillari bilan uchrashuv chog‘ida  viloyat sog‘liqni saqlash  boshqarmasi tizimidagi   farmakompaniyalar rahbarlari bilan muloqot olib borilib, hamkorlik rishtalari o‘rnatildi

Muloqot jarayonida delegatsiya vakillari ADTI ilmiy kengashlar zalida institutning farmatsevtika yo‘nalishi talabalari va professor-o‘qituvchilari bilan  suhbatlashdilar.

 

Unda Hindiston va O‘zbekiston davlatlari o‘rtasida ilmiy aloqalarni mustahkamlash , Andijonda farmatsevtika sohasini rivojlantirish, o‘quv-ilmiy, davolash ishlarida hamkorlik, dorishunoslik sohasida erkin iqtisodiy hamkorlik rishtalarini o‘rnatish yuzasidan taklif va mulohazalar o‘rtaga tashlandi.

Hindistonlik Ravi Udaya Bhaska mazkur tashrifni tashkillashtirishda amaliy  yordam bergan har ikki davlatning elchixonasi vakillariga o‘z minnatdorchiligini bildirib, hamkorlik rishtalari bardavom bo‘lishini aytib o‘tdi. Uchrashuv yakunida mehmonlarga institut rahbariyati tomonidan esdalik sovg‘alari topshirildi.

 

Do'stlaringiz bilan bo'lishing: