Ona Vatanga sodiqlik qasamyodi

621 Yangiliklar

     Andijon davlat tibbiyot instituti harbiy kafedrasida 2018-  yil 10- iyun kuni   kafedrada tahsil olgan  kursantlarning   harbiy  qasamyod qabul  qilishga bag‘ishlangan  tantanali tadbir bo‘lib o‘tdi. Tadbirda ADTI rektori M.Madazimov,  o‘quv ishlari bo‘yicha  prorektor A.Arziqulov, dekan va dekan o‘rinbosarlari K.Baydullaev, U.Karimovlar, harbiy  kafedra mudiri, polkovnik A.Bekenov, kafedra o‘qituvchilari, institut   talabalari, ota-onalar va kursantlarning yaqin do‘stlari hamda qarindoshlari ishtirok etdilar.

     Tantanani  institut rektori M.Madazimov ochib, barcha kursantlarni   va ularning yaqinlarini mazkur shodiyona kun bilan chin dildan qutladi. U tabrik nutqida ushbu tantanali kunni – ona diyorimizga sadoqat kuni deb atab,  barcha bitiruvchilarni  nafaqat  harbiy bilim va ko‘nikmalarni  puxta egallagan, mashqlarda toblangan   mard va jasur   kursant, balki  har  lahza xushyor va ogoh  turguvchi ,  tinchlik-osoyishtalik uchun   tolmas  kurashchi ekanliklarini ta’kidladi. Ularga sharafli va muqaddas burchlarini ado etishda  kuch-g‘ayrat va  matonat tiladi.

      Tantana  davomida   harbiy kafedra mudiri A.Bekenov  har bir kursantni  harbiy qasamyod qabul qilishga  buyruq berdi.

    Shundan so‘ng, ham xayajonli, ham  sharafli, ham ulug‘vor damlar boshlandi.   Harbiy kafedraning belgilangan  o‘quv-amaliyot kursini   muvaffaqiyat bilan  tamomlagan 57 nafar kursant  navbat bilan birma-bir  qasamyod  qabul qildilar.

 

Bu tantanali qasamyod  onlarin  guvohi bo‘lib turgan ota-onalar va yaqin qarindoshlar  ona yurtga sodiq o‘g‘loni kamolini ko‘rganliklaridan  behad quvondilar,  qalblarida    cheksiz shukronalik hissi jo‘sh o‘rdi. Jumladan, biz ham ularning quvonchli damlariga sherik bo‘ldik.

 

     –      Qobiljon Xojiabdullaev  va Nigoraxon  Xojiabdullaeva. Paxtaobod  tumani,Madaniyat qishlog‘idan.

O‘g‘limiz  – Shohruhbek  Zokirov  bugun  harbiy qasamyod  qabul qilyapti. Bu kundan juda   xursandman.  3 o‘g‘il, 1 qizim bor. Farzandim o‘zi shu sohaga  qiziqdi. Biz uning bu qarorini  qo‘llab-quvvatladik. Ilohim, niyatiga yetib, yaxshi harbiy shifokor bo‘lib, elimizga  sidqidildan xizmat qilsin.

  • Ma’mirov Shukrullo, Andijon shahridan.

O‘g‘lim Toshtemirov Oyatillo   oilada yolg‘iz o‘g‘il farzand hisoblanadi.  Harbiylikni tanladi. Shu sohaga qiziqqanligi uchun unga sharoit yaratib,  qo‘shqanot bo‘ldik. Shunday sharafli sohani tanlab, elning oldi farzandi bo‘lib,  ona yurtini va  bizni, ustozlari ishonchini oqlashiga  oq yo‘l tiladik. Ilohim, osmonimiz musaffo, yurtimiz tinch bo‘lsin.

  • Sharipov Ibrohimjon,  Sharipov Ilhomjonning otasi. Toshkent shahridan. Zahiradagi polkovnikman. Mudofaa vazirligi  tizimida xizmat qilib, nafaqaga  O‘g‘lim mening izimdan borib, shu sohani tanlabdi, men buni qo‘llab-quvvatlayman.
  • Sharipova  Fotimaxon aya ( 80 yoshda) – Sharipov Ilhomjonning buvisi. – o‘zim tibbiyot sohasida  ishlab  pensiyaga  4 nafar o‘g‘lim hammasi harbiy sohani tanlashgan. Ularning bunday quvonchli kunlariga  har doim  hamroh bo‘lishga  harakat qilaman. Har kuni telefon qilib, yaxshi o‘qiyapsanmi?Mashqlarga qatnashyapsanmi, deb so‘rab turaman.  Hammasi “a’lo” deb javob qiladi nabiram. Shukrki, nabiramning ham shunday   quvonchli kuniga  guvoh  bo‘ldim.  Bizning oilamizda  harbiylikka  havas va  an’ana  davom etayotganligidan  juda xursandman. ..

    Shuningdek, Namangan viloyatidan  Habibullaeva Munisaning onasi To‘raeva Iqbolxon aya ham  o‘z quvonchlarini yashira olmadi. U qizining orzusi ro‘yobga chiqayotganligidan, qizini  harbiy  formada qo‘rib turganligidan g‘oyat  mamnun. U farzandi  orqasidan yaxshi so‘z eshitish nihoyatda  katta baxt ekanligini ta’kidlab,   qizining tinchligimizga xizmat qilishini tilab,   barcha ustozlariga, tadbir tashkilotchilariga  o‘z minnatdorchiligini  izhor etdi.

     Tantanali tadbirda O‘zbekiston madhiyasi yangradi.

Shundan so‘ng, o‘quv mashqlarida, sport va  ommaviy tadbirlar  faol  ishtirok etib, alohida namuna ko‘rsatganliklari uchun bir guruh  yetakchi kursantlar institut talabalar  kasaba uyushma qo‘mitasining  faxriy yorliqlari  va qimmatbaho  sovg‘alari bilan taqdirlandilar.

  Tadbirning  madaniy-ma’rifiy qismida  kursantlar   o‘z ijrolarida   harbiy qism hayotidan   sahna ko‘rinishlari, jangovar tayyorgarlik mashqlaridan lavhalar, mavzuga oid kuy va qo‘shiqlar yangradi.  Kursant Gulruh Usmonovaning  ingliz  tilidagi  qo‘shig‘i  barchaning yodida qoladigan bo‘ldi. Tadbir yakunida  kursantlar  bunday unutilmas tadbirni  tashkil etib berganliklari  uchun   institut rektori M.Madazimovga, institut rahbariyatiga, kafedradagi barcha ustoz va o‘qituvchilarga o‘z minnatdorchiligini bildirdilar.


Maqolaga ovoz bering:  

Do'stlaringizga ulashing:

So'nggi yangiliklar

Bayramingiz muborak bo‘lsin, qadrli talabalar ![:ru]С праздником, дорогие студенты![:en]HAPPY STUDENTS’ DAY!

2018-11-17
272
Tibbiyot xodimlari, bayramingiz muborak bo‘lsin![:ru]С праздником, дорогие медицинские работники![:en]HAPPY HOLIDAY DEAR MEDICAL WORKERS!

2018-11-13
244
Yаponiyаning "Marubeni korporeyshn" kompaniyasi vakillari Andijonga keldi[:ru]ПРЕДСТАВИТЕЛИ ЯПОНСКОЙ КОМПАНИИ "МАРУБЕНИ КОРПОРЕЙШН" ПРИБЫЛИ В АНДИЖАНЕ[:en]REPRESENTATIVES OF JAPANESE COMPANU "MARUBENI CORPORATION" ARRIVED IN ANDIJAN

2018-11-13
230
Moskva kongressi  taassurotlari[:ru]Впечатления о Московском Конгрессе.[:en]Impressions of the Moscow Congress

2018-11-13
197
ADTI magistratura rezidenti startap-akselerator tanlovida

2018-11-13
170
Anatomiya, OJTA kafedrasida yosh olimlar ilmiy-amaliy anjumani bo’lib o’tdi[:en]At the Department of Anatomy,  Operative Surgery and Topographic Anatomy a scientific-practical conference of young scientists was conducted

2018-11-15
158
“KORRUPSIYA  VA VIRTUAL OLAMNING YOSHLARGA  TA’SIRI” MAVZUSIDA  DAVRA SUHBATI[:ru]БЕСЕДА ЗА КРУГЛЫМ СТОЛОМ НА ТЕМУ «КОРРУПЦИЯ И ВЛИЯНИЕ ВИРТУАЛЬНОГО МИРА НА МОЛОДЕЖЬ»[:en] THE EVENT ON "THE IMPACT OF CORRUPTION AND VIRTUAL WORLD ON YOUTH"

2018-11-16
153
DIQQAT, TANLOV!

2018-11-13
140
ADTI REKTORI MUDOFAA VAZIRINING FAXRIY YORLIG‘I BILAN TAQDIRLANDI[:ru]РЕКТОР АГМИ НАГРАЖДЕН ПОЧЕТНОЙ ГРАМОТОЙ МИНИСТРА ОБОРОНЫ[:en]THE RECTOR OF ASMI IS AWARDED BY THE HONOR CERTIFICATE OF THE MINISTER OF DEFENSE

2018-11-16
130
Ilmiy –amaliy anjuman[:en]SCIENTIFIC-PRACTICAL CONFERENCE

2018-11-13
117