O‘QUV SIMULYATSION MARKAZ

“O`ZBEKISTON RESPUBLIKASI AHOLISIGA 2017 - 2021 YILLARDA IXTISOSLASHTIRILGAN TIBBIY YORDAM KO`RSATISHNI YANADA RIVOJLANTIRISH CHORA-TADBIRLARI TO`G`RISIDA”GI QARORI IJROSI TA`MINLANMOQDA.

O`zbekiston Respublikasi Prezidentining PQ-3071-sonli qarorida «Sog`liqni saqlashni isloh qilish davlat dasturlari amalga oshirilishi natijasida yuqori texnologik ixtisoslashtirilgan tibbiy yordam ko`rsatishning prinsipial jihatdan yangi tizimi tashkil etildi. Respublikada ixtisoslashtirilgan tibbiyot markazlari, shu jumladan, xirurgiya, kardiologiya, ko`z mikroxirurgiyasi, urologiya, akusherlik va ginekologiya, pediatriya, endokrinologiya, terapiya va tibbiy reabilitatsiya, dermatologiya va venerologiya, ftiziatriya va pulmonologiya sohasida zamonaviy asbob-uskunalar bilan jihozlangan va yuqori malakali vrachlar bilan to`ldirilgan ixtisoslashtirilgan tibbiyot markazlari faoliyat ko`rsatmoqda. Keyingi besh yilda Respublika markazlarida 150 mingdan ortiq operatsiyalar, shu jumladan, 80 mingdan ortiq yuqori texnologik operativ muolajalar bajarildi, davolashning murakkab va noyob uslublari amaliyotga joriy etildi» deb aytib o`tilgan, shuningdek mavjud muammolardan biri bu shifokorlarni kasbiy mahoratlarini oshirish va bunda  klinik amaliy ko`nikmalarga ham e`tibor qaratish lozimligi qayd qilib o`tilgan bo‘lib O`zbekiston Respublikasi Prezidentining 2017 yil 20 iyundagi PQ-3071-sonli qarorining 5-ilovasida 2017-2021 yillarda O`zbekiston Respublikasi aholisiga ixtisoslashtirilgan tibbiy yordam ko`rsatishni yanada rivojlantirish chora-tadbirlari dasturining  IV bobi – “Tibbiyot kadrlarini tayyorlash, qayta tayyorlash va ularning malakasini oshirish tizimini takomillashtirish” va “Toshkent tibbiyot akademiyasi, Toshkent pediatriya tibbiyot instituti, Samarqand tibbiyot instituti va Andijon davlat tibbiyot instituti negizida o`quv-simulyatsiya laboratoriyalari tashkil etish” belgilab berilgan edi.

Ushbu qaror ijrosi doirasida Andijon davlat tibbiyot institutida 2018-2019 o`quv yilining sentabr oyidan o`qitish jarayoni sifatini yanada oshirish, tibbiyot xodimlarining malakasini va kasb mahoratini muttasil oshirib borish uchun shart  sharoitlarni ta`minlash maqsadida “O`QUV-SIMULYATSION LABORATORIYA” tashkil etildi.

“O`quv-simulyatsion laboratoriya” markazi institut asosiy binosida joylashgan bo`lib, faoliyatini tashkillashtirish jarayonida “O`quv-simulyatsion laboratoriya nizomi” ishlab chiqilgan va ushbu Nizomda barcha xodimlar lavozim yo`riqnomalari belgilangan.

O`quv xonalari zamonaviy tibbiy asbob-uskunalar, o`quv jihozlari, fantomlar, trenajerlar va simulyatorlar bilan jihozlangan bo`lib, talabalar, magistratura rezidentlari, klinik ordinatorlar hamda malaka oshirish kurslari tinglovchilarini mulyajlarda amaliy ko`nikmalarni qadamma-qadam bajarilish va  baholash me`zonlarini bajarishlari maqsadida 92 ta  uslubiy tavsiyanomalari yaratildi.

Bugungi kunda O`quv-simulyatsion laboratoriya markazida quyidagi yo`nalishlar bo`yicha simulyatsion laborator auditoriyalar tashkil etilgan bo`lib, ular quyidagilar:

  • Xirurgiya
  • Anesteziologiya va reanimatologiya
  • Tez tibbiy yordam
  • Pediatriya va neonotologiya
  • Akusherlik va ginekologiya
  • Terapiya
  • Simulyatsion palata
  • Hamshiralik qarovi xonasi
  • Stomatologiya va ortopedik stomatologiya
  • Oftalmologiya
  • Otorinolaringologiya
  • Anatomiya va klinik anatomiya
  • Farmatsiya o’quv-dorixona
  • Travmatologiya va neyrojarrohlik yo`nalishlaridan foydalanib kelinmoqda.

Ushbu yo`nalishlar bo`yicha 100 ga yaqin zamonaviy fantomlar, trenajerlar va simulyatorlardan foydanilmoqda.

Bugungi kungacha 2 semestr davomida davolash, pediatriya, stomatologiya fakultetlari hamda oliy hamshiralik ishi, farmatsiya, tibbiy profilaktika yo`nalishlaridan klinik dars mashg`ulotlarida talabalar dars jadvali asosida, qo’shimcha o’rganish maqsadida, fan to’garak a’zolari, fan olimpiada ishtirokchilari tashrif buyurdilar va o`zlarining klinik amaliy ko`nikmalarini takomillashtirdilar.

Buning natijasida Andijon davlat tibbiyot institutining talabalar jamoasi qator xalqaro va Respublika fan olimpiadalarida muvaffaqiyatli ishtirok etib kelmoqdalar. Jumladan, 2018-yil Qirg’iziston Respublikasi Osh davlat universitetida bo’lib o’tgan xalqaro olimpiadada mutlaq g’oliblikni qo’lga kiritib 3 ta nominatsiya bo’yicha 1-, 2- va 3-o’rinlarni qo’lga kiritdilar. Rossiya Federatsiyasiyasining Novosibirsk davlat universitetida Anatomiya va gistologiya fanidan IV xalqaro talabalar olimpiadasida 2- va 3-o’rinlarni egalladilar. Qirg’iziston Respublikasi Bishkek xalqaro tibbiyot maktabida tashkillashtirilgan Klinik anatomlar olimpiadasida va Rossiya Federatsiyasiyasining Dog’iston davlat tibbiyot universitetida bo’lib o’tgan “Спаси и сохрани” nomli III Butunrossiya xalqaro olimpiadasida ham 1-o’rinni qo’lga kiritdilar. Jamoa shu yilning o’zida Qozog’iston milliy tibbiyot universitetida CAOSalmaty-2019 I xalqaro talabalar olimpiadasida III darajali diplom va medal bilan taqdirlandilar. 2019-yili Bishkek xalqaro tibbiyot maktabida “Tibbiyotda innovatsiya” xalqaro ilmiy-amaliy konferensiyasi tarkibida Morfologiya olimpiadasi o’tkazildi. Bunda ASMI jamoasi I darajali diplom va medal sohibiga aylandilar. Jamoaning so’nggi yutuqlaridan biri Rossiya Federatsiyasiyasining Dog’iston davlat tibbiyot universitetida bo’lib o’tgan “Спаси и сохрани” nomli IV Butunrossiya xalqaro olimpiadasida 60 dan ortiq jamoa orasidan 3-o’rinni egallab diplom va medallar sonini yana bittadanga ko’paytirdilar.

           

               O‘zbekiston Respublikasi Prezidentining 2017 -yil 20- apreldagi “Oliy ta’lim tizimini yanada rivojlantirish chora-tadbirlari to‘g‘risida”gi 2909 -sonli,  2017- yil 5- maydagi “O‘zbekiston Respublikasida tibbiy ta’lim tizimini yanada isloh qilish chora-tadbirlari to‘g‘risida”gi 2956- sonli, “Oliy ma’lumotli mutaxassislar tayyorlash sifatini oshirishda iqtisodiyot tarmoqlarining ishtirokini yanada kengaytirish chora-tadbirlari to‘g‘risida”gi 3151- sonli qarorlari  va  2017- yil 20- iyundagi “O‘zbekiston Respublikasi aholisiga 2017-2021- yillarda ixtisoslashtirilgan tibbiy yordam ko‘rsatishni yanada rivojlantirish chora-tadbirlari to‘g‘risida”gi 3171–sonli qarorining Andijon davlat tibbiyot instituti negizida o‘quv-simulyatsion laboratoriyalari tashkil etish” bandi ijrosi yuzasidan tibbiyot xodimlarining malakasini va kasb mahoratini muttasil oshirib borish uchun shart  sharoitlarni ta’minlash xamda tibbiyot oliy o‘quv yurtlarida o‘qitish jarayoni sifatini yanada oshirish maqsadida tashkil etildi.

          Talabalarning bajarayotgan amaliy ko‘nikmalarini zamonaviy va keng ekranli monitorlarda kuzatish imkoniyati yaratildi.

          Shuningdek, o‘quv laboratoriyasida  kelgusida amaliyot shifokorlari va tibbiyot instituti bitiruvchilarining attestatsiya va akkreditatsiyadan o‘tkazishda foydalanish rejalashtirilmoqda.