Bosh sahifa -> Innovatsion texnologiyalar, ta’lim bosqicnlari integratsiyasi

Innovatsion texnologiyalar, ta’lim bosqicnlari integratsiyasi

Yangiliklar Comments: 5

Bosma uchun
2018-yil 13-fevral kuni Andijon mashinasozlik institutida  «Faol tadbirkorlik, innovatsion  g‘oyalar va texnologiyalarni qo‘llab-quvvatlash yili» munosabati bilan “Innovatsion  texnologiyalar, ta’lim bosqichlari integratsiyasi”  mavzusida  ko‘rgazmali  seminar tashkil etildi.

Ko‘rgazmali  seminarda  Andijon viloyat hokimligi mutasaddilari, viloyatdagi oliy ta’lim  muassasalarining  prorektorlari  va professor-o‘qituvchilari, o‘rta-maxsus  kasb –hunar  ta’limi va xalq ta’limi  boshqarmalarining   vakillari, iqtidorli talabalar ishtirok etdilar.

Tadbirni viloyat hokimining  yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari S.Ismoilov ochdi va  tadbirga yig‘ilganlarni bugungi bayram bilan tabriklab, barcha ishtirokchilarga  omad tiladi.

Mazkur ko‘rgazmada  ADTIning  6 nafar iqtidorli talabalari: Abdurashid Rustamjonov, Mohinur Usmonova, Husnigul Muhtorjonova, Mehrinoz O‘rinboeva, Gulmira Qo‘ldosheva, Farruh O‘rmonov va Akbarjon  Rasulovlar  yangi innovatsion g‘oyalari va loyihalari bilan faol ishtirok etdilar. Jumladan, “Tizza bo‘g‘imidagi deformatsiyalashgan osteoarterozni yangicha davolash usuli”(muallif A.Rustamjonov), “MFD-1” operatsion  funksional himoya ko‘zoynagi” (muallif F.O‘rmonov), “Isiriqli va yalpizli  malhamlar orqali  bexatar va  asoratsiz onalikka  erishish loyihasi”(muallif M.O‘rinboeva) kabi innovatsion  g‘oyalar  taqdimoti ishtirokchilarning  diqqat e’tiborini  tortdi.

Ko‘rgazmali seminarda viloyat miqyosida 300 dan ortiq innovatsion g‘oyalar va ishlanmalar namoyish etildi. Anjuman  nihoyasida  “Eng yaxshi innovatsion g‘oya” va “Eng  yaxshi  innovatsion ishlanmalar” nominatsiyalari  bo‘yicha  g‘oliblar aniqlanib, viloyat hokimligi va Andijon mashinasozlik instituti tomonidan diplom va qimmatbaho esdalik sovg‘alari bilan taqdirlandilar. Ular qatorida pediatriya fakulteti talabalari Husnigul Muhtorjonova va  Gulmira Qo‘ldoshevalarning borligi  quvonarlidir. G‘olib va ishtirokchilarni tabriklaymiz.