Tibbiy ta’limning zamonaviy holati

377 Yangiliklar

2018-yil 12-aprel kuni Buxoro davlat tibbiyot institutida «Tibbiy ta’limning zamonaviy holati, muammolari va istiqbollari» mavzusida xalqaro o‘quv-ilmiy-amaliy anjuman bo‘lib o‘tdi. Xalqaro anjumanda ADTIdan oliy hamshiralik ishi yo‘nalishi ma’suli, dotsent F.Nosirova, tibbiy profilaktika ishi yo‘nalishi ma’suli J.Mamajonov, ta’lim sifatini nazorat qilish bo‘limi bosh mutaxassisi A.Pakirdinovlar ishtirok etib qaytdilar. Anjumanda hamdo‘stlik davlatlar va xorijiy mamlakatlar tibbiyot institutlari va tibbiyot markazlari vakillari: Turkiya davlati Istambul tibbiyot universiteti, Rossiya Federatsiyasi tibbiyot institutlari va markazlari, Tojikiston, Qozog‘iston tibbiyot institutlari, Osh davlat universiteti meditsina fakulteti va Respublikamiz tibbiyot institutlari mutaxassislari ishtirok etdilar.

 

 

Anjumanda O‘zbekiston va chet elda zamonaviy tibbiy ta’limning holati, muammolari va istiqbollari, innovatsion pedagogik texnologiyalarni kasbiy shakllantirishdagi ahamiyati, simulyasion o‘qitish texnologiyalari, ta’lim muassasalarida sifat menejmenti tizimini joriy etish, uzluksiz tibbiy ta’lim yo‘nalishlarini rivojlantirishning zamonaviy tendensiyalari, oliy ta’lim muassasalarida jarayonli va tizimli yondashuvlar, sog‘liqni saqlashda bozor munosabatlari, sog‘liqni saqlash sohasida xususiy sektorni rivojlantirish borasidagi amaliy tajribalarni birlashtirgan mavzularda ma’ruzalar tinglandi va o’zaro hamkorlik aloqalari o‘rnаtildi.

 

 


Maqolaga ovoz bering:  

Do'stlaringizga ulashing: