Bosh sahifa -> Xalqaro ilmiy-amaliy hamkorlik aloqalari mustahkamlanmoqda

Xalqaro ilmiy-amaliy hamkorlik aloqalari mustahkamlanmoqda

99 Yangiliklar

ADTIga 2018-yil 6-fevral kuni AQShdan “Elchixonaning ilmiy mutaxassislari” dasturi doirasida Allergik va yuqumli kasalliklar milliy institutining falsafa doktori Liya Vinsent boshchiligida elchixona xodimi Kler Gronmeyer Tomas, koordinator Yekaterina Biryukovalar tashrif buyurdilar.

Shu munosabat bilan institut ilmiy kengashlar zalida xorijlik mutaxassislar bilan talabalar, magistratura yo‘nalishi talabalari, yosh ilmiy tadqiqotchi va klinik ordinatorlar ishtirokida ilmiy-amaliy anjuman tashkil etildi.

Anjumanni institut rektori M.Madazimov ochdi va mehmonlarni tashrif bilan qutlab, mazkur ilmiy hamkorlik ishlariga muvaffaqiyat tiladi. Shundan so‘ng, institut ilmiy ishlar bo‘yicha prorektori G‘.Xodjimatov uchrashuvdan ko‘zlangan maqsadlar haqida gapirib, mehmonlarni anjuman ishtirokchilariga tanishtirdi.

Falsafa doktori Liya Vinsent va Kler Gronmeyer Tomaslar tibbiyotning dolzarb muammolariga bag‘ishlangan ilmiy ma’ruzalar o‘qidilar. Muloqot davomida o‘zaro ilmiy hamkorlik qilish, ilg‘or tajribalar almashish, samarali davo usullarini o‘rganish masalalarida savol-javoblar bo‘ldi.

Anjuman fikr-munozaralar va takliflar bilan yanada qiziqarli o‘tdi.

Do'stlaringiz bilan bo'lishing: