Aholiga ko‘rsatilayotgan tibbiy hizmat, sifat va samaradorligini yahshilash, hamda tibbiy madaniyatni oshirish maqsadida Andijon davlat tibbiyot instituti professor-o‘qituvchilari, 2019 yil 4 iyul kuni Marhamat tumani TTBga qarashli Rovvot MFY da joylashgan 36-QOPda chuqurlashtirilgan tibbiy ko‘rik o‘tkazdilar. Tibbiy ko‘rikda pediatr, akusher-ginekolog, terapevt, hirurg, kardiolog, nevropatolog, dermatovenerolog, travmatolog mutahassislaridan iborat ja’mi 8 nafar malakali professor-o‘qituvchilar ishtirok etishdi.
Tibbiy ko‘rik davomida tuman aholisining 184 nafari ko‘rikdan o‘tkazildi. Ko‘rikda 20 nafar aholida surunkali xastaliklar aniqlandi va kerakli maslaxatlar berildi. Shuningdek, o‘zgalar parvarishiga muhtoj bo‘lgan 2 nafar fuqarolar joylarga borib ko‘rilib, kerakli tavsiya va yordamlar ko‘rsatildi.
O‘zbekiston Respublikasi Prezidentining 2018 yil 18 dekabrdagi “Yuqumli bo‘lmagan kasalliklarning profilaktikasi, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida”gi PQ-4063-sonli qarorlari ijrosini ta’minlash bo‘yicha 36 nafar aholiga institut professor-o‘qituvchilari tomonidan sog‘lom turmush tarzi, turli xil surunkali va yuqumli xastaliklar to‘g‘risida va ularni oldini olish bo‘yicha, kerakli maslahatlar berdilar.