Bugun Andijon viloyati hokimi Shuhratbek Abdurahmonov Andijon viloyat teleradikompaniyasi orqali andijonlik yoshlar bilan jonli muloqot o‘tkazdi. Muloqotda yoshlar bilan ish olib boruvchi mas’ul tashkilotlar vakillari, viloyatdagi oliy ta’lim muassasalari rektorlari ishtirok etishdi.
Muloqot davomida viloyat yoshlari o‘z muammolarini telefon orqali viloyat rahbariga aytgan bo‘lsa, telegram messenjer boti orqali 4000 ga yaqin murojaatlar kelib tushdi. Murojaat qilgan yoshlar asosan bandlik, kredit olish, bo‘sh er maydonlari va chet elga chiqish masalalarida muammolarini, ta’lim, fan, axborot kommunikatsiyalari va boshqa yo‘nalishlarda o‘z takliflarini aytib o‘tgan. Ayni paytda yoshlarning murojaat va takliflari o‘rganilib, ijobiy hal etilmoqda.
Karantin davrida masofa uzoq bo‘lsada yoshlar muammolarini echishdek oliy maqsadni ko‘zlagan jonli-muloqot barcha viloyat yoshlari uchun foydali bo‘ldi.
Andijon viloyat hokimligi matbuot xizmati