2019-yil 13-mart kuni Germaniya xalqaro hamkorlik tashkiloti (GIZ)ning O‘zbekistondagi vakolatxonasi tomonidan O‘zbekiston “Adolat” sotsial demokratik partiyasi Andijon viloyat kengashi, Andijon davlat tibbiyot instituti hamkorligida “Yuqori tibbiy texnologiyadan foydalanish ayollar salomatligining garovidir” mavzusida ginekologiyada kichik invaziv xirurgiya va sut bezi saratoni skriningiga yo’naltirilgan AKSIYA davom etdi.
O‘zbekiston “Adolat” sotsial demokratik partiyasi Andijon viloyat kengashi faollari hamda Andijon davlat tibbiyot instituti professor-o‘qituvchilari ayollar reproduktiv salomatligini saqlash maqsadida o‘tkazilayotgan aksiya jarayonida faol qatnashdilar. Aksiyaga tashrif buyurgan ayollar bilan samimiy suhbatlashib, ularning fikrlarini tingladilar.
Mazkur aksiya o‘z vaqtida, yuqori saviyada tashkil etilganligi bois, ayollar ushbu tadbirdan, ko‘rsatilayotgan tibbiy xizmatdan mamnun ekanliklarini izhor etdilar.
