Andijon davlat tibbiyot instituti Ftiziatriya va pulmonologiya kafedrasida Muxtaram Prezidentimiz Shavkat Miromonovich Mirziyoyev tomonidan tadbiq etilgan 5 ta tashabbusning birinchi bandi – musiqa, rassomchilik, adabiyot, teatr va san’at yo‘nalishi bo‘yicha davolash fakulteti 412- va 413-guruh talabalari ishtirokida “Besh tashabbus – beshta imkoniyat” deb nomlangan tadbir o‘tkazildi.
Tadbirni Viloyat silga qarshi kurash dispanseri bosh shifokor muovini Xalilov Jaxongir ochib berdi.
Ishtirokchilardan 413-guruh talabasi Abdugaffarova Munavvara o‘z taqdimotida beshta tashabbusning har biriga to‘xtalib, mazmun-mohiyati va yurtimizda olib borilayotgan islohotlar haqida tinglovchilarga ma’lumot berib o‘tdi.
So‘ng ADTI Yoshlar ittifoqi a’zosi Raxmanov Jaxongir va Bo‘stonov Madiyorbeklar tomonidan tashkil etilgan “Quvnoqlar va zukkolar” ko‘rinishidagi dastur o‘tkazildi. Bunda tibbiyotga oid hazil-mutoyiba, kichik sahna ko‘rinishlari, qatra xandalar, talabalar hayotiga oid latifalar musiqa sadolari ostida namoyish etildi.
Tadbirda kafedra xodimlari, davolash fakulteti 421-, 422-, 423-guruh talabalari, VSQKD xodimlari va bemorlar yuqori qiziqish bilan ishtirok etdilar.
Tashkilotchilar tinglovchilarga o‘zlarining tayyorlagan ijodiy mahsullarini san’at, adabiyot va musiqa ko‘rinishida ifoda etdilar. Tinglovchilar tadbirdan ma’naviy ozuqa va ko‘tarinki kayfiyat olganliklarini bildirdilar.
