Kafedra mudiri fizika-matematika
fanlari nomzodi, dotsent
GULAMOV SHUXRAT
ABDUMUXTAROVICH
Tel: +998 90-254-48-09
+998 93-445-48-09
e-mail: shaqfiz@umail.uz
shaqfiz@mail.ru
BIOLOGIK FIZIKA, INFORMATIKA, TIBBIY TEXNOLOGIYALAR KAFEDRASI TARIXI VA FAOLIYATI
Fizika kafedrasi Andijon Davlat tibbiyot institutida 1955-yilda birinchilardan bo‘lib ochilgan, 7 ta nazariy kafedralardan biri sifatida tashkil topgan. Kafedraning qaldirg‘och pedagog-o‘qituvchilari sifatida Said Rumiy, X.I Mamajonov, fizika-matematika fanlar nomzodi I.A. Iminov kabilar faoliyat ko‘rsatganlar. 1970-1971 o‘quv yiliga qadar “Fizika” kafedrasi, so‘ngra “Fizika va oliy matematika” kafedrasi deb atalgan. Institutda kafedrani tashkil qilishda, Sog‘liqni saqlash vazirligidan vakil etib tayinlangan – Said Rumiy, kafedraning rivojlanishiga katta hissa qo‘shgan. Kafedrani tashkil etishda dotsent H.I.Mamajonov ham katta hissa qo‘shib, uni 17 yil boshqargan. 1971-1977-yillarda kafedraga texnika fanlari nomzodi N.S.Toshlonov, 1978-1983, 1995-2000-yillarda fizika-matematika fanlari nomzodi H.YA.Supichaqov, 1983-1995 yillarda fizika-matematika fanlari nomzodi D.A.Axmedovlar mudirlik qilganlar. Ularning sa’yi harakati bilan kafedra laborator uskunalari bilan boyitildi. 2000-yildan 2006-yilgacha fizika-matematika fanlari nomzodi, dotsent B. Mamadaliev mudirlik qilgan. Ushbu davrda B. Mamadaliev tomonidan biofizika laboratoriyasini jixozlash, yangi laboratariya ishlarini yaratish va kompyuter xonalarini tashkil qilish bo‘yicha salmoqli ishlar bajarildi. Ushbu ishlarni amalga oshirishda hamda kafedra tashkil etilgan davrdan boshlab o‘quv va ilmiy ishlarni takomillashtirish bo‘yicha quyidagi prfessor-o‘qituvchilar o‘z xissalarini qo‘shganlar: fizika-matematika fanlari nomzodi M.A.Azizov, fizika-matematika fanlari nomzodi I.A.Iminov-(1956 y) , N.N.CHikovitix, I.B.Boymirzaevlar. 2008-yildan boshlab kafedrani fizika-matematika fanlari nomzodi, dotsent SH.A.G`ulamov boshqarib kelmoqda. SH.A.Gulamov Toshkent davlat universitetining (hozirgi O’zbekiston milliy universiteti) fizika fakultetini, yarim o‘tkazgichlar va dielektriklar ixtisosligi bo‘yicha 1975-yili tomamlagan. Ko‘p qatlamli yarim o‘tkazgichli tuzilmalardagi plazma xodisalarini kuchli magnit maydon ta’sirida o‘rgangan. Kafedrada, odam organizmida xosil bo‘ladigan elektr signallarini qayd qilish va ular asosida tashxis qo‘yish, tolali o‘simliklarning fizik xossalarini o‘rganish bo‘yicha ilmiy tadqiqot ishlari olib bormoqda. O‘quv uslubiy ishlar sohasida, bilim berishning yangi pedagogik texnologiyalarini yaratishda, faoliyat ko‘rsatib kelmoqda. Kafedrada katta pedogogik mahoratga ega bo‘lgan katta o‘qituvchilar, M.Z.Mamatqulova, X.O‘.Xudoyberdieva, M.E.Xomidov, pedagoglardan f-m.f.n. O.M.Atabayev, E.G.Naimov, D.T.Komilova, E.A.Gaipov, M.M.Rustamov, G.M.Muminova, G.A.Abduraxmonova, laboratoriya mudiri G.X.Ubaydullaeva, laborantlar – YO.Saitqulova, G.Xolboeva, M.Abdullaeva va M.Utanova faoliyat ko‘rsatib kelmoqdalar. Kafedrada “Biofizika”, “Fizika” va “Ta’limda axborot texnologiyalar”, fan yo‘nalishlari bo‘yicha o‘quv mashg‘ulotlari o‘tkaziladi. Biofizika ma’ruza mashg‘ulotlarini dotsent SH.A.Gulamov va katta o‘qituvchi M.Z.Mamatqulova, “Ta’limda axborot texnologiyalar” fani bo‘yicha katta o‘qituvchilar X.U.Xudoberdieva va M.E.Xomidovlar olib boradilar. Kafedrada Biofizika faniga oid 5ta o‘quv labarotoriyasida 20taga yaqin avtomatlashtirilgan laboratoriya ishlarini frontal usulda o‘tkazish imkoniyatlari tashkil qilingan. Shuningdeka virtual laboratoria ishlari ham tayorlangan bo’lib ulardan talabalar masofaviy ta’limda foydalanishlari mumkin. “Ta’limda axborot texnologiyalar” fanidan talabalarning bilim va ko‘nikmalarini, kompyuter savodxonlgini oshirish maqsadida 4 ta kompyuter sinfi tashkil qilingan bo’lib ularning barchasi Pentium-4 rusumli kompyuterlari bilan ta’minlangan va Internet tarmog‘iga ulangan. Kafedrada har bir fan, yangi pedogogik va innovatsion texnologiyalar asosida olib boriladi. Yaratilgan “Talaba- assistant”, Talaba-taqrizchi” va “O’yla, izla, top” va b. yangi pedagogik texnologiyalar asosida olib borilayotgan laborator mashg‘ulotlari katta samara bermoqda. Bugungi kunda bu yangi o‘qitish usuli Respublikamizning ko‘pchilik ta’lim muassasalariga, videofilmlar ko‘rinishida havola etilib, undan foydalanish tavsiya etilgan.