Andijon davlat tibbiyot instituti bilan Dog‘iston davlat tibbiyot universiteti o’rtasidagi o’zaro hamkorlik aloqalari kundan kunga rivojlanib bormoqda.
2018- yil 3- dekabr kuni Rossiya Federatsiyasi Dog‘iston davlat tibbiyot universiteti professori, tajribali venerolog Gadjimuradov Marat Nurmagomedovich Andijon davlat tibbiyot institutiga tashrif buyurdi. Dog‘istonlik yetakchi mutaxassisni institut yoshlar bilan ishlash bo‘yicha prorektori P.Asxanov, dermatovenerologiya kafedrasi mudiri A.Paqirdinov, kafedra dotsenti F.Hamidov va boshqalar samimiy kutib oldilar. Institut xalqaro aloqalar bo‘limida professor M.Gadjimuradov bilan yurtimizda olib borilayotgan izchil islohotlar, o‘zgarishlar, jumladan ADTIdagi o‘quv-uslubiy, ilmiy- amaliy ishlar, chet tillarini o‘rganish, aholiga tibbiy xizmat ko‘rsatish borasidagi ishlar xususida do‘stona va qiziqarli suhbat bo‘lib o‘tdi.
Shundan so‘ng, dog‘istonlik mutaxassis ADTI simulyatsion markazida bo‘lib, u yerdagi shart- sharoitlar, trenajyor va mulyajlar, talabalarning amaliyot mashg‘ulotlardagi ishtiroki bilan yaqindan tanishdi.
Dog‘iston davlat tibbiyot universiteti professori M.Gadjimuradovning Andijonga safari joriy yilning 6-dekabrgacha davom etadi. Uning ishtirokida professor-o‘qituvchilar, Vrachlar malakasini oshirish va qayta tayyorlash fakulteti shifokor-tinglovchilari, magistrlar, klinik ordinator va talabalar uchun ma’ruzalar, mahorat darslari va bemorlar ko‘ruvi o‘tkaziladi.