Sog‘lom turmush tarzini targ‘ib qilish, aholining jismoniy faolligi darajasini oshirish, stomatologik kasalliklarni profilaktikasi, ularni patronaj xizmat va profilaktik ko‘riklar bilan qamrab olish maqsadida Andijon davlat tibbiyot institutining yetakchi olimlari tomonidan Jalaquduq tumanidagi chuqurlashtirilgan tibbiy ko‘riklari davom etmoqda.
ADTI Fakultet stomatologiya va stomatologik kasalliklar propedevtikasi kafedrasi xodimlari tomonidan tumandagi “Beshkapa” va “Sharxonchek” MFYdagi axolining stomatologik kasalliklar bo’yicha chuqurlashtirilgan tibbiy ko‘rik o‘tkazildi.
Ko‘rik davomida xonadonlarda tug‘ma nuqson bilan tug‘ilgan bolalar bilan uchrashuv va tibbiy maslahat berildi. Shuningdek, aholiga sog‘lom turmush va sog‘lom ovqatlanish tamoyillari bo‘yicha targ‘ibot, “Sog‘lom ona va sog‘lom bola – kelajak poydevori” mavzularida davra suhbatlari o‘tkazildi.
Zilolaxon Xakimova
ADTI Fakultet stomatologiya va stomatologik kasalliklar propedevtikasi kafedrasi mudiri