Ma’lumki, Andijon davlat tibbiyot instituti Vrachlar malakasini oshirish va qayta tayyorlash fakulteti Endoxirurgiya, endourologiya, oftalmologiya va stomatologiya kafedrasi hamda Namangan shahrida joylashgan “Andrologiya-N” xususiy klinikasi o‘rtasida shartnoma tuzilgan. Unga ko‘ra, klinikada Vrachlar malakasini oshirish va qayta tayyorlash fakultetining “Endourologiya” yo‘nalishi bo‘yicha qabul qilingan tinglovchilarga kerakli sharoitlar yaratilgan.
Bugun, 10-fevral kuni fakultet dekani X.Tursunov rahbarligida mazkur sharoitlar yaqindan o‘rganildi. Unda klinikaning yetakchi mutaxassislari bilan uchrashuv tashkil etildi, bugungi kunda endourologiya sohasining rivoji, vrachlarni tayyorlash, kadrlar malakasini oshirish, har ikki muassasa o‘rtasida hamkorlikni yanada takomillashtirish bo‘yicha rejalar belgilab olindi.
Shuningdek, tinglovchilar bilan ham suhbat olib borilib, ularga yaratilgan imkoniyatlar bilan yaqindan tanishildi va ish jarayonlari o‘rganildi.
