Andijon davlat tibbiyot institutida xorijiy davlatlar bilan hamkorlik ishlari yanada kengaymoqda. Eronlik mutaxassislar bilan ham oʻtkazilgan muloqot talabalar va professor-oʻqituvchilar uchun yana bir imkoniyat eshigini ochdi.
Uchrashuvni olib borgan institut rektori M.Madazimov kelajakda Eron davlatining nufuzli oliy taʼlim muassasalari bilan aloqalarni yanada mustahkamlash, mutaxassislarning tajriba almashinuvini yoʻlga qoʻyish, onlayn dars jarayonlarini olib borish kabi takliflarni qoʻllab-quvvatladi. Bu kabi hamkorlik talabalarning sifatli taʼlim olishlari, malakali yetuk kadrlarni tayyorlashga xizmat qilishini alohida taʼkidlab oʻtdi.