Germaniyalik mutaxassislar professor B.Krauze va professor R.Orter 2019- yil 22- may kuni Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi Andijon filialida bo‘ldilar. Filialda mehmonlarni bir guruh mutaxassislar yuksak ehtirom bilan kutib oldilar.
Onkologiya va tibbiy radiologiya kafedrasida kafedra mudiri D.Mamarasulova, xalqaro hamkorlik bo‘limi boshlig‘i K.Salahiddinov hamda filial va kafedra xodimlari bilan birgalikda ilmiy muloqot bo‘lib o‘tdi. Muloqot chog‘ida ular sohaga oid savollar, yechimini kutayotgan muammolar, bugungi kunda onkologik xizmatni yuqori darajaga ko‘tarish, erta tashxis va davolashning samarali usullarini qo‘llash borasida o‘zaro tajriba almashish, hamkorlik qilish bo‘yicha kelishib oldilar.
Tashrif chog‘ida professor B.Krauze institut magistrlari, klinik ordinatorlari va filial mutaxassislariga taqdimot ma’ruza o‘qib berdi.
Professorlar filial bo‘limlarida bo‘lib, bemorlar ko‘ruvida qatnashdilar. Davolovchi shifokorlarga va bemorlarga zarur tavsiya va maslahatlar berdilar.
Shu kuni ADTI klinikasi majlislar zalida soha mutaxassislari, klinik ordinatorlar va magistrlar uchun Germaniyaning Rostok universiteti bilan onlayn konferensiya tashkil etilib, munozaralarga boy ma’ruzalar tinglandi.
