Gospital terapiya va endokrinologiya kafedrasi

Kafedra mudiri: SHAXNOZA KADIRJANOVNA YUSUPOVA
Ish vaqti: 8.00 – 17.00
Aloqa: +99893 449 40 50
Email: dr-shahnoza@mail.ru

Andijon davlat tibbiyot institutining gospital terapiya kafedrasi dastlabki tashkil topgan klinik kafedralaridan biridir. Andijon viloyat klinik shifoxonasi bo`limlarida tashkil topib, o`z faoliyatini boshlagan. Jumladan, ichki kasalliklar kafedrasi 1958- 1959 o`quv yilida terapiya bo`limida tashkil topib, kafedra mudiri vazifasida Moskvadan kelgan t.f.d., professor T.M. Efendiev ishlagan. 1959- 1964 yillari dotsent SH.R. Rasulov kafedra mudiri etib saylangan. Kafedra dotsentlari t.f.n. M.A. Laufer, G.M. Kleyner, t.f.n., dotsent M. Ziyamxo`jayeva, assistentlar A.G. Sarkisyants, N.V. Soliboyev, F.P. Po`latov va boshqalar faoliyat ko`rsatganlar.
1965-1970-yillarda kafedra mudiri vazifasida professor I.F.Fatxullayev ishlagan bo`lsa, 1970-1972-yillarda Moskvada doktoranturani bitirib kelgan akademik I.A. Kassirskiyning shogirdi professor Ulugbek Akbarovich Asqarov saylandi. 1972-1973-yillarda gospital terapiya kafedrasi mudirligi vazifasida dotsent E.N. Konstantinov ishladi. 1974-yilda kafedra mudiri vazifasiga professor Omerev Midat Mamatovich saylandi.
1982-yil sentabr oyidan boshlab gospital terapiya kafedrasi ikkiga bo`linib, 1-gospital terapiya va II-gospital terapiya kafedralari nomini oldi.Professor M.M.Omerov va professor S.Yu.Tursunov kafedra mudiri etib saylandilar. 1983-yilga kelib ikki kafedradan yana 3-sonli kafedra ajralib chiqib, unga dotsent Mamatbotir Otaxonovich Otaxonov mudir etib saylandi. 1988 yilda yuqoridagi kafedralar negizida, I-II subordinatura kafedrlari va davolash fakultetining gospital terapiya va endokrinologiya kafedrasi tashkil qilindi. Kafedra mudirligiga professor Q.K. Soliyev saylandi. 1997-1998 o`quv yilida kafedraga davolash fakulteti ichki kasalliklar kafedrasi maqomi berildi va kafedra mudiri etib professor Mamazoir Axmedovich Xo`jamberdiev saylandi.