Magistratura yo`nalishlariga xorijiy tillardan kirish imtihonlari bo`lib o`tdi

image_pdfYuklab olish (pdf)image_printChop etish versiyasi

2019 – yil 10 – avgust kuni Andijon davlat tibbiyot instituti axborot texnologiyalari zalida 2019-2020  o`quv yili uchun Magistratura yo`nalishlariga  xorijiy tillardan kirish imtihonlari bo`lib o`tdi. Imtihonlar erta tongda, soat 7.00da boshlandi. Test sinovlari adolatli, shaffof va odilona tarzda tashkil etildi.

Jarayonlarni institut  o`quv  ishlari bo`yicha prorektor, professor A.Arziqulov, qabul komissiyasi mas’ul kotibi S.Salaxiddinov, magistratura yo`nalishi mas’uli B.Tursunov, shuningdek, abiturientlarning  ota-onalari va yaqinlaridan andijonlik  xalq ta’limi xodimi Lolaxon Jalilova va namanganlik o`qituvchi Sardor  Mirzaxolovlar kuzatib bordilar.

Test jarayoni 1 soat davom etib,  abiturientlar ingliz va nemis tillaridan o`z  bilimlarini sinab ko`rdilar. Imtihonlar kompyuterda topshirilib, har bir abiturient o`zi to`plagan ballarini bilib chiqdilar.  Imtihonlar O`zbekiston Respublikasi Oliy ta’lim muassasalarining magistraturasiga oqishga qabul qilish tartibi to`g`risidagi Nizomga asosan o`tkazildi.

Bu yil ADTI magistratura mutaxassislik  yo`nalishlariga 201 nafar talabgor  o`qishga qabul qilinadi. Abiturientlarning javoblari va erishgan natijalari  O`zbekiston Respublikasi Vazirlar Mahkamasining  2019- yil 27- apreldagi 360-sonli Qarori bo`yicha  belgilangan mezonlar  asosida  baholanib, o`qishga qabul qilinadi. Imtihon jarayoni tartibli,   belgilangan mezonlar asosida  o`tkazildi. Qadrli yoshlar!  Yuksak bilim, noyob qobiliyat va teran fikrli yoshlarga  omad kulib boqishi  shubhasizdir.

O`z  bilim va salohiyatiga ishongan yoshlarga omad yor bo`lsin!

444