Bugun, 15- fevral kuni Andijon davlat tibbiyot institutida “Odam savdosi –davr muammosi” mavzusida tadbir bo‘lib o‘tdi.
Tadbirni institut o‘quv ishlari bo‘yicha prorektori A.Arziqulov ochib, odam savdosi bugungi kunning dolzarb muammosi bo‘lib turganligini ta’kidladi.
So‘ngra, ADTI katta yuriskonsulti T.Abduvaliev so‘z olib, mamlakatimizda odam savdosiga qarshi olib borilayotgan ishlar xususida gapirdi.
Talabalar tadbir davomida odam savdosi bilan bog‘liq jinoyatlar va jirkanch hodisalar, mana shu illat tufayli jabrlanganlarning achinarli hayoti aks etgan vidеofilmni tomosha qildilar. Tadbir yakunida viloyat ichki ishlar boshqarmasi terrorizm va ekstremizmga qarshi kurashish bo‘limi xodimi N.Abdurasulov so‘zga chiqib, butun dunyoda, jumladan viloyatimizda “zamonaviy qullik” – odam savdosiga qarshi olib borilayotgan kurash, chora-tadbirlar to‘g‘risida gapirdi. Shuningdek, talaba-yoshlarni loqaydlik, beparvolikka chek qo‘yib, doimo ogoh va xushyor bo‘lishlikka chaqirdi.
Dolzarb mavzudagi tadbir talabalarda katta taassurot qoldirdi.