2019 yil 24-29 iyun kunlari Andijon davlat tibbiyot instituti va viloyat OITS markazida «OIV infeksiyasining etiopatogenezi, klinik kechishi, diagnostikasi, davolash va profilaktikasi» mavzusida 36 soatdan iborat seminar bo‘lib o‘tdi.
Mazkur seminarda institut VMO va QT fakulteti professor-o‘qituvchilari faol qatnashdilar. 29 iyun kuni institut ma’ruzalar zalida seminar yakuni munosabati bilan tadbir o‘tkazildi. Tadbir davomida 43 nafar seminar ishtirokchisi sertifikat bilan taqdirlandi.
Shuningdek, VMO va QT fakulteti dekani H.Tursunov tomonidan O‘zbekiston Respublikasi Sog‘liqni saqlash vazirligiga qarashli OIV infeksiyali shaxslarni davolash, parvarish qilish va qo‘llab-quvvatlash bo‘yicha Markaziy osiyo o‘quv markazi direktori o‘rinbosari, dotsent Dilbar Urunovaga Andijon davlat tibbiyot instituti rektori M.Madazimov nomidan “Tashakkurnoma” topshirildi.
