Andijon davlat tibbiyot institutida Sog‘liqni saqlash vazirligi bilan hamkorlikda onlayn videokonferensiya 2020-yil 25-may kuni o‘tkazildi.
Videokonferensiyani VMO va QT fakulteti dekani X.X.Tursunov boshqarib bordi, X.X.Tursunov Onlayn videokonferensiyani ochib berar ekan, Farg‘ona vodiysi bo‘yicha koronavirus bilan kasallangan bemorlar va ular orasidan davolangan xomilador ayollar to‘g‘risida ma’lumot berib o‘tdi.
Videokonferensiyada Vrachlar malakasini oshirish va qayta tayyorlash fakulteti akusherlik va ginekologiya kafedrasi mudiri O.G.YAkubova “COVID-19 bilan kasallangan xomilador, tug‘ruq davridagi va tuqqan ayollarni olib borish xususiyatlari” mavzusida ma’ruza qildi.
Ma’ruzachi COVID-19 bilan kasallangan xomilador ayollarda kasallikni kechishi, davolash davomida e’tibor qaratish zarur masalalar yuzasidan tahliliy ma’lumotlarni berdi.
Onlayn videokonferensiyada masofaviy konferensiyalarni o‘tkazish uchun aloqa dusturlari – ZOOM platformasi orqali ADTI davolash (amaliyot) ishlari prorektori v.v.b. B.X.Mirzakarimov va Respublikaning turli hududlaridan COVID-19ga qarshi kurash olib borayotgan mutaxassislar ishtirok etishdi.
Onlayn videokonferensiya ishtirokchilari mavzu yuzasidan o‘z fikr va mulohazalarini bildirdilar.
ADTI axborot xizmati