Andijon davlat tibbiyot instituti «Tillar, pedagogika va psixologiya» kafedrasi Toshkent pediatriya tibbiyot instituti «Chet tillari, pedagogika va psixologiya» kafedrasi professor-o’qituvchilari bilan masofaviy ta’lim tizimini birinchi bor yo’lga qo’ygan holda on-line tarzda “Psixologiya” fanidan ma’ruza o’tkazishdi. Masofaviy ma’ruzani Toshkent pediatriya tibbiyot instituti «Chet tillari, pedagogika va psixologiya» kafedrasining dotsenti, psixologiya fanlari nomzodi Shohista Sanaqulovna Shoimova “Jamoa, guruh, muloqot va shaxslararo munosabat psixologiyasi” mavzusida Andijon davlat tibbiyot instituti pediatriya fakulteti va kasb ta’limi yo’nalishi 2-bosqich talabalari o’rtasida o’qidi. Masofaviy ma’ruzada «Tillar, pedagogika va psixologiya» kafedrasining mudiri, dotsent L.S.Hudayberdiyeva, katta o’qituvchilar M.M.Qo’ziboyeva, M.R.Axunova, Z.M.Rahmatovalar ishtirok etishdi.
Talabalar ma’ruza davomida shaxslararo munosabat ko’rinishlari, muloqot va uning turlari, muloqot shakllari, guruh va jamoa psixologiyasi haqida ma’lumotlarga ega bo’lishdi. Berilgan ma’lumotlar rangli taqdimotda o’z aksini topganligi mavzuning tushunarli bo’lishiga asos bo’ldi.
