Bugun, 11-may kuni Andijon davlat tibbiyot instituti rektori M.Madazimov Koreyaning Yonsey universiteti stomatologiya maktabi professori Ken Vu Li bilan uchrashdi.
Institut rektori huzurida koreyalik professor bilan qizg‘in va do‘stona suhbat bo‘lib o‘tdi. Muloqot chog‘ida har ikki oliy ta’lim muassasasida, xususan stomatologiya yo‘nalishida bugungi kunda olib borilayotgan ta’lim jarayoni, xalqaro hamkorlik aloqalari, istiqboldagi rejalar xususida gap bordi.
Shundan so‘ng, institut kengashlar zalida “Yuz-jag‘ sohalarining innovatsiyalari” mavzusida xalqaro mutaxassislar ishtirokidagi hududiy yosh olimlar ilmiy-amaliy anjumani o‘tkazildi.
Anjumanda stomatologiya fakulteti dekani D.To‘lanov, jarrohlik stomatologiya kafedrasi mudiri M.Teshaboev, fakultet xodimlari hamda davolash, pediatriya va stomatologiya fakulteti talabalari qatnashdilar.
Anjumanda professor Ken Vu Li “Stomatologiyaning dolzarb muammolari”, “Stomatologiyada renovatsion texnologiyalar”, “Ortopedik stomatologiyada zamonaviy materialllar” mavzularida ma’ruza o‘qidi.
Shuningdek, jarrohlik stomatologiya kafedrasi o’qituvchisi Z.Hakimova, talabalardan M.Azizova,N.Ahmadjonova, Sh.Abdullaeva, A.Salomov, S.Erkinboev, Sh.Abdullaevlar ingliz, rus, o‘zbek va fransuz tillarida ma’ruza qildilar.
Ilmiy- amaliy anjuman qiziqarli, o‘zaro bahs-munozaraga boy va ishchanlik ruhida o‘tdi. Anjuman yakunida ishtirokchilarga sertifikatlar topshirildi.
