2019-yil 14- mart kuni Rossiya Federatsiyasi Qrim Respublikasi Simferopol shahri Georgiev tibbiyot universiteti professori Ismet Ablyamitovich Settarov Andijon davlat tibbiyot institutiga tashrif buyurdi. Dastlab professor I.A.Settarov ADTI simulyatsion o‘quv markazidagi shart-sharoitlar hamda muzeydagi eksponatlar bilan yaqindan tanishdi.
Shundan so‘ng, institut rektori qabulida do‘stona va samimiy suhbat bo‘lib o‘tdi. Suhbat jarayonida ikki tomonlama o‘zaro hamkorlik shartnomasi doirasida olib borilayotgan xalqaro aloqalar va istiqbolda bajarilishi lozim bo‘lgan ishlar xususida muzokaralar olib borildi.
So‘ngra professor I.A. Settarov “Pediatriyaning dolzarb vazifalari” mavzusida ma’ruza o‘qidi. Ma’ruzada institut Bolalar kasalliklari propedevtikasi va poliklinik pediatriya kafedrasi mudiri, dotsent M.Abdullaeva, Fakultet pediatriya va neonatologiya kafedrasi mudiri, dotsent B.Inakova, kafedralarning barcha xodimlari hamda pediatriya fakulteti 6- kurs talabalari ishtirok etdilar. Ma’ruzada pediatriyaga oid eng dolzarb muammolar keng yoritildi.
Rosssiyalik yetakchi mutaxassis I.A.Settarov yangi ma’lumotlarga boy, qiziqarli ma’ruzani o‘qib eshittirdi va barcha savollarga javob berdi.
Maruza so’ngida rossiyalik mehmonga qatnashchilar o‘z minnatdorchiligini bildirdilar va ikki oliygoh o‘rtasida doimiy hamkorlik va do‘stlik aloqalarini yanada mustahkamlash zarurligini ta’kidlab o‘tdilar.