O‘zbekiston Respublikasi Prezidentining 2018-yil 18-dekabrdagi “Yuqumli bo‘lmagan kasalliklarning profilaktikasi, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida”gi PQ-4063-sonli qarori, JSSTning arterial gipertoniya, qandli diabet, bronxial astma va o‘pkaning surunkali obstruktiv kasalligi bo‘yicha klinik protokollar, standartlar hamda tavsiyalar talablarini birlamchi tibbiy-sanitariya yordami muassasalari amaliyotiga tadbiq qilish to‘g‘risidagi O‘zbekiston Respublikasi Sog‘liqni saqlash Vazirining 2019-yil 10-maydagi № 126-sonli buyrug‘i ijrosi, hamda O‘zbekiston Respublikasi Prezidenti Sh.M.Mirziyoyevning Andijon viloyatiga tashrifi davomida ADTI va SSB xodimlariga berilgan topshiriqlar ijrosi bo‘yicha “SOG‘LOM TURMUSH TARZI VA SOG‘LOM OVQATLANISH TAMOYILLARI” o‘quv dasturi bo‘yicha videokonferensiya o‘tkazildi.
Videokonferensiyani institut rektori M.M.Madazimov aholini tibbiy madaniyatini oshirish va sog‘lom turmush tarzini targ‘ib qilish bo‘yicha institutda olib borilayotgan ishlar va oldindagi bajarishimiz lozim bo‘lgan vazifa va rejalar borasidagi kirish so‘zi bilan ochib berdi.
Videokonferensiyada O‘zRSSVning Aholining sog‘lom turmush tarzini qo‘llab-quvvatlash va jismoniy faolligini oshirish markazi direktori B.T.Odilova ishtirok etdi. B.T.Odilova konferensiya qatnashchilariga tibbiyot xodimlarining aholi tibbiy madaniyatini oshirishdagi tutgan o‘rni va bu boradagi olib boriladigan chora-tadbirlar to‘g‘risida tushunchalar berdi.
Videokonferensiya qatnashchilarini “SOG‘LOM TURMUSH TARZI VA SOG‘LOM OVQATLANISH TAMOYILLARI DASTURI” bo‘yicha axolini o‘qitish jarayoni bilan ADTI davolash ishlari prorektori B.X.Mirzakarimov va VMO va QT fakulteti UASH MO va QT kafedrasi mudiri dotsent G.U.Nazarova tanishtirib berishdi va shu kafedra katta o‘qituvchilari J.M.Xudayberdiyev, M.B.Boyqo‘ziyevalar “To‘g‘ri va sog‘lom ovqatlanish tamoyillari. Ovqatlanish gigienasi va ovqatlanish tartibi” mavzusida ma’ruza qilishdi.
Videokonferensiya savol javoblarga boy tarzda o‘tdi.
Davolash (amaliyot) ishlari bo‘limi