Andijon davlat tibbiyot instituti Talabalar turar joyida “Koronavirus kasalligi” mavzusida tadbir o‘tkazildi. Unda Pediatriya fakulteti dekani A.A.G‘ofurov, Davolash ishlari bo‘yicha ma’sul B.Mirzakarimov, yuqumli kasalliklar kafedrasi mudiri D.B.Mirzakarimova, yuqumli kasalliklar kafedrasi xodimlari va talabalar turar joyida yashovchi talabalar ishtirok etishdi.
Tadbirda so‘z olgan Davolash ishlari bo‘yicha ma’sul B.Mirzakarimov dunyodagi barcha xalqlarni sergaklikka chaqirgan koronavirus kasalligi haqida ma’lumot berib o‘tdi.
Yuqumli kasalliklar kafedra mudiri D.B.Mirzakarimova koronavirus kasalligi xaqida, qanday qilib o‘zimizni ximoya qilishimiz kerakligi va bu kasallikni oldini olish borasida respublikamiz va institut miqyosida qilinayotgan ishlar to‘g‘risida gapirib o‘tdi.
Tadbir davomida so‘zga chiqqanlar talabalarga koronavirus kasalligi to‘g‘risida umumiy tushunchalar berdi, kasallikni yuqish mexanizmi, patogenezi, klinik kechishi, simptomlari va davolash usullari to‘g‘risida gapirib o‘tdilar. Tadbir savol-javoblar va qizg‘in mulohazalarga boy o‘tdi.