Institut rektorining 2021 yil 18 yanvar’ “Davolash ishi, pediatriya ishi, kasb ta’limi (davolash ishi), stomatologiya, farmasiya, tibbiy profilaktika yo‘nalishi 3-kurs, oliy hamshiralik ishi 2-kurs talabalariga hamda xorijiy va qo‘shni davlatlardan o‘qishini ko‘chirib kelgan yuqori kurs talabalariga 2021 yil “Tibbiyotda xorijiy til” fanidan Yakuniy davlat attestasiya o‘tkazish to‘g‘risida”gi 18-T-sonli buyrug‘iga muvofiq joriy yil 27 yanvar’ kuni stomatologiya fakul’teti 3-bosqich talabalariga “Tibbiyotda xorijiy til” fanidan Yakuniy davlat attestasiya o‘tkazildi.
Yakuniy davlat attestasiyani Andijon davlat tibbiyot instituti o’quv ishlari bo’yicha prorektori v.v.b. B.R.Abdullajonov ochdi va stomatologiya fakulteti talabalariga yakuniy davlat attestasiyasi a’zolarini tanishtirdi, talabalarga omad tiladi.
Yakuniy davlat attestasiyasi Andijon davlat universiteti chet tillar fakul’teti dekani, f.f.n., dosent D.A.Rustamov raisligida xay’at a’zolari hamda xorijiy tillar kafedrasi professor-o‘qituvchilari tomonidan o‘tkazildi.
