Tibbiyotga oid adabiyotlar ko‘rgazmasi taassurotlarga boy bo‘ldi

image_pdfYuklab olish (pdf)image_printChop etish versiyasi

Andijon davlat tibbiyot instituti tashabbusi bilan Samarqandda faoliyat ko‘rsatuvchi “ILM  NURLI ZIYO” MCHJ bilan hamkorligida institutning Kengashlar zalida “Tanishing, yangi adabiyotlar” ”AMKVYA-2020”( Андижанская медицинская книжная выставка-ярмарка -2020) mavzusida o‘tkazilgan tibbiyotga oid adabiyotlar ko‘rgazmasi uch kun davom etdi.

“ILM  NURLI ZIYO” MCHJ bilan  o‘zoro hamkorlik asosida Rossiya Federatsiyasining “GEOTAR-Media” nashriyoti bilan shartnoma orqali institut axborot resurs markazi fondi  tibbiyotga oid adabiyotlari bilan boyitilmoqda.

“ПРЕЖДЕ ВСЕГО НЕ НАВРЕДИ” (Avvalo zarar etkazib qo‘yma) shiori ostida o‘tkazilgan kitoblar ko‘rgazmasida masofaviy  “ON-LAYN” o‘qish tartibi tashkil etildi. “Bolalar jarrohligi”, “Ayollarga nisbatan turli ko‘rinishdagi zo‘ravonlikka qarshi kurash”, “Xorijiy adabiyotlar” mavzularida video senminarlar bo‘lib o‘tdi. Seminarlarda  institut fakultetlari dekanlari, barcha kafedralarning professor-o‘qituvchilari, axborot –resurs markazi xodimlari va talabalar onlayn ravishda ishtirok etdilar.

E’tirof etish kerakki, “GEOTAR-Media” nashriyoti shartnomalar asosida institutga 78 nomda 125 nusxada yangi  adabiyotlar qabul qilindi. Bundan tashqari, professor-o‘qituvchilar, doktorantlar tomonidan tayyorlangan 70 nusxadagi avtoreferantlar va Rossiyada chop etilgan 14 nomdagi  jurnallar qabul qilindi.

Institut professor-o‘qituvchilari tomonidan Rossiya Federatsiyasining “GEOTAR-Media” nashriyoti tomonidan olib kelingan  39 nomdagi o‘quv adabiyotlaridan  muallif ruxsati bilan  10  nomdagisi  rus tilidan o‘zbek tiliga tarjima qilish ishlari davom ettirilmoqda.

“Tanishing, yangi adabiyotlar” – ”AMKVYA -2020” onlayn kitoblar ko‘rgazmasi davomida mutaxassislar va talabalar o‘rtasida savol-javob tarzida qiziqarli suhbat ham bo‘lib o‘tdi. Ishtirokchilar tibbiyotga oid adabiyotlar ko‘rgazmasi foydali va taassurotlarga boy bo‘lganligini ta’kidlab o‘tdilar.

ADTI axborot xizmati

610