2019-yil 27-may kuni ADTI talabalar turar joyidagi sport zalida reabilitologiya va jismoniy tarbiya kafedrasi o‘qituvchilari tomonidan Prezidentimiz tomonidan ilgari surilgan 5 ta muhim tashabbusning Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yo‘naltirilgan ikkinchi tashabbus hamda aholi va yoshlar o‘rtasida kompyuter texnologiyalari va Internetdan samarali foydalanishni tashkil etishga qaratilgan uchinchi tashabbus bo‘yicha tadbirlar tashkil etildi.
Shu kuni yoshlar sportning kurash, arqon tortish, stol tennisi, shaxmat va shashka turlari bo‘yicha musobaqalarda qatnashdilar. Shuningdek, kompyuter texnologiyalari va Internetdan samarali foydalanish bo‘yicha kafedra katta o‘qituvchisi Z.Abdullaevadan qiziqarli ma’lumotlar oldilar.
Ushbu tadbirga Andijon shahrining “Sanoat”, “Ahmad Yassaviy” va “Qizil quyosh” MFYlarining uyushmagan yoshlari qamrab olindi. Yoshlarning bo‘sh vaqtlarini mazmunli o‘tkazish maqsadida tashkillashtirilgan musobaqalar va qiziqarli suhbatlar bahs-munozalarga boy o‘tdi. Tadbirda mahalla yoshlari faol ishtirok etishdi.
