Accardion Namuna

Tibbiy radiologiya va klinik labarator diagnostika kafedrasi 2016 yili tashkil etilgan.

O’zbekiston Respublikasi 1chi Prezidenti I.A. Karimovning 1998 yil 10 noyabrdagi PF-2107 “O’zbekiston Respublikasida sog’liqni saqlash tizimini isloh qilish” haqidagi Farmoni asosida tibbiyot tizimida keng qamrovli islohotlar amalga oshirildi. Islohotlar natijasida yangi soha, yangi yo’nalishlar bo’yicha mutaxasislar tayyorlash joriy etildi. Institut rektorati va o’sha davrdagi VMOF dekani Nazarova Gulchehra Usmonovna tashabbusi bilan 2016 yili dastlab tibbiy radiologiya, funksional va laborator diagnostika kafedrasi UASH MO va QT kafedrasi qoshida kurs sifatida tashkil etildi. 2016 yil sentyabr oyidan tibbiy radiologiya, funksional va laborator diagnostika kafedrasi alohida kafedra sifatida ish faoliyatini boshladi. Kafedraning dastlabki mudiri sifatida tibbiyot fanlari nomzodi Sobirov Akrom Akbaralievich tayinlandi. Yangi ochilgan kafedraning ish faoliyatini tashkillashtirish, oliy ta’lim va sog’liqni saqlash tizimidagi davlat nizomlarining barcha talablariga to’laqonli javob berishida VMOF sobiq dekani Nazarova Gulchehra Usmonovnaning xizmatlari beqiyos bo’ldi. Bu kafedra Farg’ona vodiysidagi ultratovush tekshiruv, rentgenologiya va laborator diagnostika yo’nalishi bo’yicha ixtisoslashtirish va malaka oshirish kursida o’qimoqchi bo’lgan shifokorlar uchun o’quv - uslubiy va ilmiy — amaliy malaka oshirish markazi maqomiga ega bo’ldi. Tibbiy radiologiya, funksional va laborator diagnostika kafedrasida multimediali ma’ruzalar zali, o’quv xonasidan tashqari bemorlar bilan ishlash maqsadida zamonaviy jihozlangan ul’tratovush tekshiruv, rentgen tekshiruv xonalari, laborator taxlillar bilan ishlash xonalari mavjud. Kafedra tashkil qilinishida ADTI klinikasi o’quv markazlari asos bo’ldi. 2018 yil 3 yanvar sanasidan kafedraning nomi “Rentgenologiya,ultratovush, funksional va laborator diagnostika” deb yuritila boshladi. 2018 yil 13 noyabr sanasidan kafedraning nomi “Tibbiy radiologiya va onkologiya” deb yuritila boshladi. .