Yaqinda “O‘zbekiston-24” kanali orqali namoyish etilgan Xalqaro press klubda Andijon davlat tibbiyot institutidagi ayrim kamchiliklar ham tilga olib o‘tilgan edi. Bugungi kunda ular institut rahbariyati tomonidan batafsil o‘rganib chiqilib, bartaraf etilmoqda.
Jumladan, hozirgi kunda ADTI Axborot-resurs markazidagi (Slyusarev A.A. Biologiya s obщey genetikoy- 277 nusxa; Vladimirov Yu.A. i dr.Biofizika – 219 nusxa; Remizov A.N. Kurs fiziki 1-t.- 152 nusxa; Remizov A.N. Kurs fiziki 2-t, 221 nusxa, Zufarov K.A.Gistologiya- 100 nusxa.) eskirgan adabiyotlar hisobdan chiqarish uchun topshirildi. Ushbu adabiyotlarga talab yuqoriligi sababli, kelgusida yangi nusxalarini xarid qilish rejalashtirildi.
Bundan tashqari, institut oshxonasida ta’mirlash ishlari olib borildi. Eskirgan oshxona jihozlari va mebellar foydalanishdan chiqarilib, ularning o‘rniga yangi, zamonaviy stol-stullar va mebellar, gaz va elektr plitalar xarid qilindi.
Hudud sanitariya talablariga javob beradigan holatga keltirilib, institut xodimlari va talabalar uchun barcha zarur sharoit hamda qulayliklar yaratildi
Shuningdek, ADTI klinikasi yerto‘lalarining holati bo‘yicha ham kamchiliklar bartaraf etildi.
Jumladan, 7-bo‘limda joriy ta’mirlash ishlari davomida yig‘ilib qolgan qurilish chiqindilari olib chiqilib, xonalar tozalandi. Xona eshiklari yangisiga almashtirildi.
Aloqa simlari yangilanib, trubalar bo‘yaldi. O‘tkazilgan trubalarning izolyatsiyasi buzilgan joylari yangidan ta’mirlandi. Internet, telefon va boshqa elektr simlarining yo‘nalishi tartibga keltirildi. 6-,7-, 8-, bo‘limlarda suv va oqava quvurlaridagi nosozliklar tuzatildi. Barcha yerto‘lalar ko‘zdan kechirilib, tozalash ishlari amalga oshirildi.
Yerto‘lalarda doimiy nazorat davom ettirilmoqda.