2019-yil 16-aprel kuni akademik V.Vaxidov nomidagi Respublika ixtisoslashtirilgan xirurgiya ilmiy-amaliy markazi va Andijon davlat tibbiyot instituti hamkorligida «Zamonaviy jarrohlikdagi muammolar» mavzusida hududiy ilmiy-amaliy anjuman bo’lib o’tdi.
Anjumanda Andijon, Farg’ona va Namangan viloyatida faoliyat yuritayotgan yetuk jarrohlari ishtirok etishdi. Akademik F.G.Nazirov ilmiy-amaliy anjumanni ochib berdi va «Jigar transplantatsiyasidagi muammolar» mavzusida ma’ruza o’qib eshittirdi. Soha mutaxassislari F.Sh.Baxriddinov va M.M.Akbarovlar ham “Jarrohlikdagi dolzarb muammolar, qon tomir va o’t yo’llari jarrohligi” mavzusida qiziqarli ma’ruzalar o’qib eshittirishdi.
Shu kuni akademik F.G.Nazirov va bir guruh olimlar Andijon shahar 1- umum ta’lim maktabida bo`lishib, bu maskanda ta`lim-tarbiya olayotgan o’quvchilar bilan uchrashuv bo’lib o’tkazdilar.
