Buni qarangki, salomatlikni mustahkamlashda piyoda yurish eng oson, eng samarali va eng bepul usullaridan biri ekan. Ho‘sh, Siz bir kunda qancha vaqtingizni piyoda yurishga sarflaysiz? Keling, unda bir o‘zimiz zerikmay, jamoa bo‘lib piyoda yuramiz! Tadbirni avvalo, rahbar xodimlar va professor-o‘qituvchilardan boshlaymiz.
Andijon davlat tibbiyot instituti rahbar xodimlari va professor-o‘qituvchilarining to‘g‘ri ovqatlanish va sog‘lom turmush tarzini targ‘ib qilish maqsadida noyabr-dekabr oylari davomida soat 19:00da ommaviy piyoda yurish tadbirlari o‘tkaziladi. Piyoda yurish talabalar turar joyidan start oladi.
Tadbirda Siz ham faol ishtirok eting! Suhbatlashib salomatligimizni mustahkamlaymiz!