Andijon davlat tibbiyot institutida mustaqilligimizning 31 yilligi munosabati biloan “Yangi O’zbekistonda el aziz, inson aziz” shiori ostida tadbir o’tkazildi. Unda O’zbekiston Yozuvchilar uyushmasi viloyat bo’limi raisi, shoira Xurshida Vahob qizi, tyutorlar, talabalar hamda Axborot-resurs markazi xodimlari ishtirok etdi. Dastlab shoira yig’ilganlarni yaqinlashib kelayotgan O’zbekiston Respublikasi mustaqilligining 31 yilligi bilan tabriklab, vatanni tarannum etuvchi she’rlaridan namunalar o’qidi.
Shunigdek, tadbirning she’riyatga oshno qalbli ishtirokchilari ham vatan, ona haqidagi she’rlarni o’zbek, rus hamda ingliz tillarida ijro etishdi. Mazkur uchrashuv chin ma’noda she’riyat kechasi bo’ldi, desak mubolag’a bo’lmaydi.
