Assalomu alaykum aziz, yurtdoshlar, qadrli Vatan himoyachilari!
Sizlarni Qurolli Kuchlarimiz tashkil etilganligining 33 yilligi hamda Vatan himoyachilari kuni munosabati bilan samimiy qutlayman! Ushbu bayramni mardlik, jasorat va burch bayrami desak mubolag‘a bo‘lmaydi.
Mana shunday mard o‘g‘lonlarimiz bor ekan yurtimiz tinch, ko‘ngillarimiz hotirjam.
Jannatmakon Oʻzbekistonimiz tinchligi va osoyishtaligi yoʻlida oʻtkazayotgan bedor tunlaringiz, Vatanimiz sarhadlarini qoʻriqlash, tinchligini saqlash yoʻlida koʻrsatayotgan jasoratingiz har bir oʻgʻlonning Vatan oldidagi muqaddas burchidir!
Vatanimiz tinchligi va osoyishtaligi, yorug‘ tonglarimiz uchun fidokorona mehnat qilayotgan harbiy xizmatchilarimizning mashaqqatli mehnat faoliyatlarida kuch-quvvat tilayman.
Aziz vatan himoyachilari!
Sizlarga hamisha mustahkam sog‘liq, oilaviy baxt, masʼuliyatli va sharafli faoliyatingizda ulkan zafarlar tilayman.
Vatanimiz sarhadlarini qoʻriqlash, tinchligini saqlashdek sharafli va muqaddas burchingiz yoʻlida hamisha ildam bo‘ling! Bayramingiz muborak bo‘lsin!
M.M.Madazimov,
Andijon davlat tibbiyot instituti rektori, professor.