Hindistonning ANI (South Asia’s Leading Multimedia News Agency) elektron nashrida Andijon davlat tibbiyot instituti rektori M.Madazimovning Hindiston davlatiga qilgan xizmat safari yuzasidan maqola chop etildi. Quyida ushbu maqolaning o‘zbek tilidagi tarjimasi bilan tanishishingiz mumkin.
Yangi Dehli [Hindiston], 16-may (ANI/India PR Distribution): Andijon davlat tibbiyot instituti rektori (ADTI), doktor Madazimov Madamin Mo‘minovich Hindistonga tashrifi chog‘ida bir qator nufuzli universitetlar va Ayurvedik kollejlari bilan o‘zaro anglashuv memorandumlarini imzoladi.
Mamlakatning yetakchi tibbiyot muassasasi sifatida e’tirof etilgan ADTI rektori doktor Madamin Mo‘minovich o‘z tashrifidan foydalanib, Hindiston tibbiyot kollejlari bilan hamkorlik aloqalarini o‘rnatib, sog‘liqni saqlash va ta’lim sohasida xalqaro hamkorlikni yo‘lga qo‘ydi.
Bundan tashqari, u Agra shahrida Hindiston tibbiyot assotsiatsiyasi (IMA) tomonidan tashkil etilgan tadbirda qatnashish sharafiga muyassar boʻldi. U yerda u tajribali hind shifokorlari bilan uchrashdi va ular bilan oʻzaro fikr almashdi. ADTI eng yaxshi tibbiy taʼlimni taqdim etishiga ishongan holda, doktor Madamin Moʻminovich tashrifi chogʻida Dehli NCR va Keralada institut ofislarini ochish sharafiga muyassar bo‘ldi. Bu ofislar hindistonlik talabalar uchun Andijon davlat tibbiyot institutiga qabul jarayonini osonlashtiradigan maxsus markaz boʻlib xizmat qiladi.
ADTIga qabul jarayonini oson va muammosiz qilish maqsadida, ushbu yangi tashkil etilgan ofislar institutda tibbiy ta’lim olishni xohlovchi hindistonlik talabalarga yo‘l-yo‘riq va yordam beradi. Ushbu ofislarning ochilishi Andijon davlat tibbiyot institutining hindistonlik talabalar bilan aloqalarini yanada mustahkamlash va ularning jahon andozalari darajasidagi tibbiy ta’lim olish imkoniyatlarini kengaytirishga intilishidan dalolat beradi. Hindistonning yirik shaharlarida ofislarni o‘rnatish orqali orqali institut chet elda tibbiy ta’lim va imkoniyatlarni izlayotgan hindistonlik talabalarning ortib borayotgan qiziqishi hamda talabini qondirishga qaratilgan.
Bu qadam nafaqat qabul jarayonini yanada qulayroq o‘tkazishga yo‘l ochadi, balki O‘zbekiston va Hindiston tibbiyot mutaxassislari o‘rtasida chuqurroq tushunish va hamkorlikni rivojlantirib, madaniyatlararo almashinuvlar uchun eshiklarni ochadi. Dehli NCR va Keraladagi ofislar hindistonlik talabalarni nufuzli Andijon davlat tibbiyot instituti bilan bog‘lab, ularning malakali shifokor bo‘lish yo‘lidagi sayohatlarini osonlashtiradigan jonli markaz bo‘lib xizmat qiladi.
Andijon davlat tibbiyot instituti tibbiy ta’lim va sog‘liqni saqlash sohasidagi ilg‘orlik timsoli bo‘lib, O‘zbekistondagi yuqori reytingli tibbiyot instituti sifatida e’tirof etilgan. Andijondagi davlat shifoxonalari bilan yaqin hamkorlikda faoliyat yuritayotgan ushbu institut Andijon, Namangan hamda qo‘shni viloyat va shaharlarda istiqomat qiluvchi 1,5 million nafar mahalliy aholiga xizmat ko‘rsatmoqda. ADTI talabalari institutning davlat shifoxonalari bilan mustahkam aloqadorligi tufayli bemorlarga eng yaxshi tibbiy yordam bera olish sharafiga ega.
Bundan tashqari, institut o‘zining ajoyib infratuzilmasi bilan faxrlanadi va o‘z talabalariga eng zamonaviy jihozlarni taklif etadi. Ta’kidlash joizki, Andijon davlat tibbiyot instituti xorijlik talabalarga o‘zlari ovqat tayyorlashlari uchun qulaylik va sharoitlar yaratib bergan mintaqadagi yagona oliy o‘quv yurti sanaladi. Institutda ingliz tilida so‘zlashuvchi yuqori malakali professor-o‘qituvchilar turli millat talabalariga ta’lim berib, ko‘p madaniyatli muhitni rivojlantirish orqali dunyoning turli burchaklaridan intiluvchan tibbiyot mutaxassislarini tibbiyotni o‘rganish uchun jalb qiladi.
(Ushbu ma’lumot Hindiston PR Distribution tomonidan taqdim etilgan.)