Andijon davlat tibbiyot institutida Davolash fakulteti 1-bosqich talabalarining ota-onlari ishtirokida davra suhbati o‘tkazildi. Unda institut rektori maslahatchisi X.Zokirov, Yoshlar ishlari va maʼnaviy-maʼrifiy masalalar bo‘yicha birinchi prorektor S.Salohiddinov, Profilaktika katta inspektori J.Xo‘jayev, fakultet dekani B.Mamatov, dekan o‘rinbosarlari va tyutorlar ishtirok etdi.
Yig‘ilishda so‘z olganlar institut ichki tartib qoidalari, kiyinish madaniyati, barcha o‘quv va yashash joylarida odob-axloq hamda gigiyena qoidalariga rioya qilish yuzasidan tushuntirish ishlari olib borildi. Qolaversa, ota-onalar bilan hamkorlikni kuchaytirish, masʼuliyat bo‘lishga oid tavsiyalar aytib o‘tildi.
Shuningdek, terrorizm, diniy ekstremizmni oldini olish masalasiga ham to‘xtalib, Internet tarmog‘idagi axborot xurujlari taʼsiriga tushib qolmaslik, davlat ro‘yxatidan o‘tmagan turli saytlardan foydalanmaslik haqida tushunchalar berildi.
Talabalarning darslarga o‘z vaqtida qatnashishlari berilgan vazifalarni diqqat bilan bajarishlari ularning o‘z oldilariga qo‘ygan maqsadlariga erishishlari hamda sohaning yetuk mutaxassislari bo‘lib yetishishlarida muhim ahamiyatga ega ekanligi taʼkidlandi.
