Bugun, Andijon davlat tibbiyot institutida “Biz yoshlar jinoyatchilikka qarshimiz” mavzusida davra suhbati o‘tkazildi. Unda Andijon viloyat IIB Terrorizm va eksterimizmga qarshi kurash boshqarmasi katta mutaxassisi B.Abbasova, Xotin-qizlar masalalari bo‘yicha rektor maslahatchisi, Xotin-qizlar maslahat kengashi raisi G.Xolmatova, kengash aʼzolari, tyutorlar va talaba-qizlar ishtirok etdilar.
Tadbirda so‘z olganlar yoshlar, shu jumladan ayol-qizlar o‘rtasidagi jinoyatchilik va huquqbuzarlik holatlarini oldini olish, ularni huquqlarini himoya qilish, jamiyatda o‘z o‘rinlarini topishlarida ko‘maklashish zarurligi haqida so‘z yuritdilar.
Shuningdek, jinoyatchilik va huquqbuzarliklar salbiy oqibatlarga olib kelishi hayotiy misollar yordamida yig‘ilganlarga aytib, o‘tildi. Qolaversa, kiyinish madaniyati va odob-axloq qoidalari haqida ham kerakli tavsiyalarni berdilar.
