Andijon davlat tibbiyot institutining ilmiy kengashlar zalida fakultetlar dekanlari, o‘rinbosarlari hamda tyutorlar ishtirokida “Korrupsiyaga qarshi birgalikda kurashamiz” mavzusida umumprofilaktik tadbir o‘tkazildi.
Unda Yoshlar masalalari va maʼnaviy-maʼrifiy ishlar bo‘yicha birinchi prorektor S.Salohiddinov hamda Korrupsiyaga qarshi kurashish va Komplayens nazorat tizimini boshqarish bo‘limi boshlig‘i S.Asqarovlar ishtirok etdi.
Tadbirda so‘z olganlar institutda kiyinish, odob-axloq qoidalariga rioya qilish, taʼlim, imtihonlar va qabul jarayonlarida korrupsion holatlarga yo‘l qo‘ymaslik zarurligi haqida aytib o‘tdilar.
Shuningdek, korrupsiyaning jamiyat taraqqiyotiga to‘siq ekanligi, unga qarshi birgalikda kurashish esa samarali bo‘lishi taʼkidlandi. Tadbir qatnashchilari ham taʼlim va tarbiya sohasidagi kamchiliklar hamda ularni bartaraf etish choralari bo‘yicha taklif va mulohazalarini bildirdilar.
