Keksalar duoga qoʻl ochib tursa yurtda baraka, yoshlarning ishida unum boʻladi. Shu bois yana bir bor “Keksalar eʼzozlash haftaligi” doirasida Andijon davlat tibbiyot instiutining bir qator nuroniy xodimlari, professor-oʻqituvchilar fayzli dasturxon atrofida jam boʻldilar.
Tadbir avvalida samimiy tabriklar bilan barcha faxriy ustozlar qutlanib, institut kasaba uyushmasi boʻlimi tomonidan esdalik sovgʻalari bilan taqdirlandilar. Viloyat musiqa ansambli xonandalari ota-ona, ustoz, mehr-oqibat tarannum etgan kuy-qoʻshiqlar bilan dillarga bir olam zafq ulashdilar. 
Eʼtibordan ruhlangan bir qator ustozlar dil soʻzlarini yashirmay, institut rahbariyati minnatdorchilik bildirlilar. Yillar davomida tibbiyot va taʼlim sohasiga ulkan xissa qoʻshgan professor-oʻqituvchilar xotirlandi. Shuningdek, soʻz olganlar bugungi kunda yoshlar qatori nuroniylarga ham qaratilayotgan eʼtibor, shogirdlari ayni damda yurtimiz ravnaqi yoʻlida samarali faoliyat olib borayotganliklarini faxr bilan aytib oʻtdilar.
