Avval xabar berganimizdek, bugun, 28-mart kuni Andijon davlat tibbiyot institutida “Rektor kubogi” uchun sport musobaqalariga start berildi. Musobaqalarning ochilish marosimida institut rektori M.Madazimov ishtirok etib, barcha sportsevar talaba-yoshlarga musobaqa davomida omad hamda zafarlar tilagan holda musobaqani ochib berdi.
Musobaqalar avvalida O‘zbekiston Respublikasi davlat madhiyasi ijro etildi. Shundan so‘ng, mini futbol, stol tennisi, shaxmat-shashka, basketbol, valeybol, yengil atletika sport turlari bo‘yicha musobaqalar boshlab yuborildi.
Unda talabalar o‘zlarining epchilligi, chaqqonligi, donoligi va diqqatliligi bilan faol ishtirok etmoqda. Musobaqa jarayonlari hakamlar tomonidan kuzatib, to’plangan ballar hisoblab borilmoqda.
