2018- yil 30- noyabr kuni Andijon davlat tibbiyot instituti ilmiy kengashlar zalida 1 Dekabr – OITSga qarshi kurash kuni munosabati bilan tadbir bo‘lib o‘tdi.
Tadbirni institut yoshlar bilan ishlash bo‘yicha prorektori P.Asxanov ochib, tashrif buyurgan mehmonlarni tanishtirdi.
Shundan so‘ng, ADTI yuqumli kasalliklar kafedrasi mudiri D. Mirzakarimova “OIV infeksiyasi” mavzusida ma’ruza qildi. Ma’ruza davomida OIV infeksiyasi va uning yuqish yo‘llari, OIV tarqalishiga qarshi yurtimizda olib borilayotgan profilaktik tadbirlar xususida gapirib o‘tdi.
Tadbirda Jamiyat salomatligi va sog‘liqni saqlashni tashkil etish ilmiy tadqiqot instituti Andijon viloyati bo‘linmasi yetakchisi mutaxassisi U. Usmonov ishtirok etib, talabalarga sog‘lom turmush tarzi, jumladan OITSga qarshi kurashish, to‘g‘ri ovqatlanish, to‘g‘ri dam olish, jismoniy faollik, telefon va kompyuterlarni ishlatish tartiblari to‘g‘risida ma’ruza qildi. Har qanday yuqumli va boshqa kasalliklarni oldini olish uchun tibbiy madaniyatni yuksaltirish muhimligini, salomatligimiz o‘z qo‘limizda ekanligini ta’kidladi.
Tadbir davomida yuqumli kasalliklar kafedrasi dotsenti M.Djo‘raev va boshqa mutaxassislar talabalarni qiziqtirgan savollariga javob berdilar.