Vrachlar malakasini oshirish va qayta tayyorlash fakulteti professor-o‘qituvchilari va xodimlari tomonidan 26-aprel kuni Muhammad Yusuf tavalludining 65 yilligiga bag‘ishlangan tadbir o‘tkazildi. Tadbirda Umumiy amaliyot shifokorlarini malakasini oshirish va qayta tayyorlash kafedrasi katta o‘qituvchisi J.Xudoyberdiev so‘zga chiqib, Vatan, do‘stlik, tinchlik, muhabbat kuychisi –Muhammad Yusuf hayoti va ijodi haqida ma’ruza qildi.
Tadbirda otashqalb shoirning “Vatanim”, “Tavallo”,”Armonlaring bor”,”Ota”, “Do‘stlar” kabi bir qator she’rlarini kafedra xodimlari yoddan o‘qidilar va uning yorqin xotirasini yod etdilar.