Andijon shahridagi Eski shahar markaziy dehqon bozori oldida ADTI ma’naviyat-ma’rifat va iqtidorli yoshlar bilan ishlash bo‘limi, O‘zbekiston “Adolat” SDP viloyat Kengashi va yoshlar ittifoqi institut boshlang‘ich tashkiloti faollari bilan hamkorlikda aholi o‘rtasida tibbiy madaniyatni oshirish, favqulodda holatlarda birinchi tibbiy yordam ko‘rsatish va shifokor taktikasi xususida ommaviy tadbir o‘tkazildi.
Tadbirda Vatanni madh etuvchi qo‘shiqlar yangradi. Yoshlar ittifoqi faollari tomonidan miokard infarkt, qandli diabet, sinish, kuyish kabi holatlarda shifokor kelgunga qadar birinchi tibbiy yordam ko‘rsatish ko‘nikmalari, so‘ngra mutaxassis yordami sahna ko‘rinishlari yordamida ko‘rsatib, izohlab berildi. Aholiga sog‘lom turmush tarzini targ‘ib etuvchi bukletlar tarqatildi.
Turli kasalliklarni oldini olish, davolash ishlari bo‘yicha savol-javoblar bo‘ldi. Yoshlar ittifoqi institut boshlang‘ich tashkiloti yetakchisi Bobur Abdulazizxojiev kelgusida bunday tadbirlar shaharning gavjum joylarida, shuningdek, viloyatimizning shahar va tumanlarida yangi-yangi loyihalar asosida o‘tkazilishi rejalashtirilganligini aytdi.
Tadbir aholi tomonidan katta qiziqish bilan qarshi olindi.