O‘zbekiston Respublikasi Oliy va o‘rta maxsus ta’lim muassasasi Vazirining 2020-yil 1-maydagi №275-sonli buyrug‘i ijrosini ta’minlash maqsadida koronovirus pandemiyasi davrida Oliy ta’lim muassasalari talabalari o‘rtasida Respublika fan olimpiadasi Onlayn shaklda tashkil etildi va o‘tkazildi.
Ushbu olimpiadada Andijon davlat tibbiyot instituti davolash fakulteti davolash ishi yo‘nalishi 1-bosqich 110-guruh talabasi Zakirova Moxinurbonu Zafarjon qizi biologiya fanidan faxrli I-o’rin, 5-bosqich 511-guruh talabasi Dilshodov Asilbek Dilshodjon o‘g‘li ingliz tili fanidan faxrli I-o’rin, kasb ta’limi yo‘nalishi 1-bosqich 105-guruh talabasi Yusubjonov Sherzodbek Oybek o‘g‘li Anatomiya fanidan faxrli I-o’rin hamda 513-guruh talabasi Axmadjonov Javoxir O‘ktamali o‘g‘li xirurgiya fanidan faxrli III-o’rin sovrindorlari bo‘ldilar.
Ushbu talabalarni institut jamoasi nomidan tabriklaymiz!