Andijon davlat tibbiyot institutida «Gospital va klinik stomatologiyasi» kafedrasining tashabbusi bilan 2-5 mart kunlari stomatologiya haftaligi sifatida o’tkazildi. Hafta davomida «Stomatologiyadagi dolzarb mavzular» doirasida mahorat darslari va ma’ruzalar tashkil etildi.
Shuningdek, stomatolog mutaxassislari va kafedraning professor-o’qituvchilari qatorida Respublikamiz va Rossiya federatsiyasidan sohaning yetuk olimlari qatnashdi. Ma’ruzada Moskva viloyati klinik ilmiy tadqiqot instituti Jarrohlik stomatologiyasi kafedra mudiri, professor M.Axmadova, Toshkent davlat stomatologiya instituti Fakultet terapevtik stomatologiya kafedrasi mudiri O.Bekjanova va kafedra dotsentlari, institutimizning professor-o’qituvchilari sohaga oid ma’lumotlari bilan ishtirok etdi.
