Bugun, Andijon davlat tibbiyot institutida dekabr oyi hamda yil yakunlari yuzasidan yig’ilish o’tkazildi. Unda institut rektori M.Madazimov, prorektorlar, fakultet dekanlari va xodimlar ishtirok etdilar.
Dastlab so’z olgan institut rektori M.Madazimov yig’ilganlarni kirib kelayotgan yangi yil bayrami bilan tabriklab, barchaga sog’lik-salomatlik tiladi. Shundan so’ng, dekabr oyi va yil davomida amalga oshirilgan ishlar ularning qay darajada samarador o’tganligi haqida aytib, yangi yilda bajarilishi zarur bo’lgan ishlar rejasini yig’ilganlarga taqdim etdi.
Shuningdek, Ilmiy ishlar va innovatsiyalar prorektori K.Salohiddinov yil davomida qilingan ishlar yuzasidan hisobotlarni taqdim etdi.
Tadbir davomida o’tib borayotgan 2022-yilda o’zining faolligi, iqtidori bilan qator yutuqlarga erishgan xodimlar, O’zbekiston Respublikasi Prezidenti va nomdor davlat stipendiyalari sohibi bo’lgan talabalarni taqdirlash marosimi bo’lib o’tdi.
Yig’ilish yakunida ustozlar barchaga mehnat faoliyatlarida faollik va kirib kelayotgan 2023-yilda iqtidorli xodim va talabalar safi yanada kengayishiga tilak bildirdilar.
