Andijon Davlat tibbiyot institutining ilmiy kengashlar zalida O‘zbekiston Respublikasi Vazirlar Mahkamasi huzuridagi Oliy attestatsiya komissiyasining raisi Ahmadbek Yusupov, professor-o‘qituvchilar, tayanch doktorantlar va mustaqil izlanuvchilar bilan uchrashuv bo‘lib o‘tdi.
Yig‘ilishda institut rektori M. Madazimov so‘zga chiqdi va yig‘ilish qatnashchilariga O‘zbekiston Respublikasi Vazirlar Mahkamasi huzuridagi Oliy attestatsiya komissiyasining raisi Ahmadbek Yusupovni tanishtirib o‘tdi. Yig‘ilishda Prezident Xalq Qabulxonasi boshlig‘i, professor Mamazoir Xo‘jamberdiyev ham ishtirok etdi. 
Ahmadbek Yusupov bugun yurtimizda kechayotgan islohotlar, jumladan raqamli iqtisodiyot va elektron hukumatni keng joriy etish borasida amalga oshirilgan ishlar, “Elektron OAK” xususida batafsil ma’lumot berdi. Jumladan, ishlab chiqilgan axborot tizimlarining o‘ziga xos xususiyati, qulayligi va imkoniyatlari haqida tayanch doktorantlar va mustaqil izlanuvichlarga atroflicha tushuntirdi.
Yig‘ilish davomida mutaxassislar ishtirokchilarning qiziqtirgan savollariga batafsil javob berdilar.