Korrupsiyaga qarshi kurashish boʻlimi tomonidan talabalar va xodimlar oʻrtasida bir qator tadbirlar va davra suhbatlari oʻtkazilmoqda. Fakultetlararo, ayniqsa 1-bosqich talabalariga tashkil etilayotgan tadbirlarda dars jarayonlarida korrupsiyaga yoʻl qoʻymaslik, oʻqituvchiga pora taklif qilish va talabadan pora undirish, firibgarlik holatlarida pora beruvchi, oluvchi, vositalik qiluvchi shaxslar qonun oldida birdek javob berishlari taʼkidlab oʻtildi. Korrupsiyaning kelib chiqish sabablari, uning oldini olish chora-tadbirlari borasidagi videoroliklar namoyish etildi, bu esa talabalarga mavzuning yanada tushunarli boʻlishiga xizmat qildi.