Andijon davlat tibbiyot institutida talabalarni har tomonlama qo‘llab-quvvatlashga alohida e’tibor berib kelinadi.
Masofaviy ta’lim tizimiga o‘tilishi munosabati bilan talabalarning masofaviy onlayn mashg‘ulotlarda faol ishtirokini ta’minlash, internet tarmog‘idan samarali foydalanishlariga qulaylik yaratish maqsadida chegara hududlarida yashovchi bir guruh talabalarga institut rektori tomonidan zamonaviy smartfonlar topshirildi.
Davolash fakulteti 1-kurs talabasi D.Sodiqova, shu fakultet 2-kurs talabasi M.Umarova, pediatriya fakulteti 1-kurs talabasi T.Sobirova, shu fakultet 3-kurs talabasi Sh.Qayumovalar ko‘rsatilgan e’tibor uchun, masofaviy ta’lim jarayonida yanada faol ishtirok etishlariga yaratilgan qulaylik uchun institut ma’muriyatiga o‘z minnaddorchiliklarini bildirdilar.
ADTI axborot xizmati